2023-12-29 11:11:23, 816 ნახვა
მსოფლიო
Reuters - დონალდ ტრამპს პრაიმერიზში მონაწილეობა მეინის შტატმაც აუკრძალა
კოლორადოს შემდეგ, ამერიკის შეერთებული შტატების ყოფილ პრეზიდენტს, დონალდ ტრამპს 2024 წლის პრაიმერიზში მონაწილეობა მეინის შტატმაც აუკრძალა. ამის შესახებ ინფორმაციას Reuters-ი ავრცელებს.
Reuters-ის ცნობით, მეინის სახელმწიფო მდივანმა, „დემოკრატმა“ შენა ბელოუსმა დაასკვნა, რომ ტრამპმა მოახდინა აჯანყების პროვოცირება, როდესაც მან გაავრცელა ცრუ ინფორმაცია 2020 წლის არჩევნების გაყალბების შესახებ.
„აშშ-ის კონსტიტუცია ჩვენი მთავრობის საფუძვლებზე თავდასხმას არ მოითმენს“, - წერს ბელოუსი 34-გვერდიან განჩინებაში.
შეგახსენებთ, 20 დეკემბერს, ამერიკის შეერთებული შტატების ყოფილ პრეზიდენტს, დონალდ ტრამპს 2024 წლის პრაიმერიზში მონაწილეობა კოლორადოს შტატის უზენაესმა სასამართლომაც აუკრძალა.
ავტორი: ექსპრესნიუსი,
epn.ge (@expressnews.ge)
