2023-11-08 19:02:26, 1045 ნახვა

---

ზელენსკი - ომის დროსაც კი ვასრულებთ სიტყვას - ჩვენი სახელმწიფო ევროკავშირში უნდა იყოს, უკრაინელები ამას იმსახურებენ

დღეს უკრაინისა და მთელი ევროპის ისტორიამ სწორი ნაბიჯი გადადგა, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

ზელენსკის თქმით, ყველა სირთულის მიუხედავად, უკრაინა წინ მიდის და დეკემბერში ევროპული საბჭოს პოლიტიკურ გადაწყვეტილებას ელოდება.

"ჩვენი სახელმწიფო ევროკავშირში უნდა იყოს. უკრაინელები ამას იმსახურებენ. სრულმასშტაბური ომის დროსაც კი ვასრულებთ ჩვენს სიტყვას, ვავითარებთ სახელმწიფო ინსტიტუტებს. ჩვენ ვიღებთ ყველა საჭირო გადაწყვეტილებას", - განაცხადა უკრაინის პრეზიდენტმა.

ცნობისთვის, ევროკომისიამ გასცა რეკომენდაცია, რომ რიგი პირობების გათვალისწინების შემთხვევაში უკრაინასთან და მოლდოვასთან გაწევრიანებაზე მოლაპარაკებები დაიწყოს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი