ამერიკის შეერთებული შტატები ახლო აღმოსავლეთში დამატებით 300 ჯარისკაცს აგზავნის. ამის შესახებ აშშ-ის თავდაცვის უწყების პრესსპიკერმა, პატრიკ რაიდერმა განაცხადა.

რაიდერის თქმით, ჯარისკაცები ისრაელში არ ჩავლენ, რადგან მათი გაგზავნის მიზანი აშშ-ის თავდაცვის ძალების გაძლიერებაა.

"შემიძლია გამოვაცხადო გადაწყვეტილება აშშ-ის ცენტრალური სარდლობის რეგიონში დამატებითი 300 ჯარისკაცის განლაგების შესახებ. გთხოვთ, გაითვალისწინოთ, რომ ჩვენ არ განვიხილავთ ამ ძალების განლაგებას კონკრეტულ ადგილებზე, მაგრამ შემიძლია დავადასტურო, რომ ისინი არ მიდიან ისრაელში. ჯარისკაცების გაგზავნის მიზანია, მხარი დაუჭიროს რეგიონულ შეკავების ძალისხმევას და კიდევ უფრო გააძლიეროს აშშ-ის ძალების დაცვის შესაძლებლობები", - განაცხადა რაიდერმა.

მისივე თქმით, ოქტომბერში ერაყსა და სირიაში აშშ-ის ჯარების წინააღმდეგ 27 თავდასხმა განხორციელდა.

ავტორი: ექსპრესნიუსი,

სოციალური ქსელები

სესმა ქუთაისში პესტიციდებისა და აგროქიმიკატების არალეგალური რეალიზაცია გამოავლინა|ობიექტს საქმიანობა შეუჩერეს

ზელენსკი: რუსეთმა თურქული გემი დაბომბა, რომელსაც აზერბაიჯანის მოქალაქეები გადაჰყავდა

ევროპარლამენტი საქართველოში ოპოზიციური პარტიების აკრძალვის შესახებ დებატებს გამართავს

ადვოკატი: დავითაძესთან სოლიდარობის ნიშნად დაახლოებით ექვსი პატიმარი შიმშილობს