დაღესტანში, მაჰაჩყალის აეროპორტში მომხდარი ინციდენტის შედეგად 20-ზე მეტი ადამიანი დაშავდა. აღნიშნულ ინფორმაციას TASS ავრცელებს. 

როგორც რუსული პროპაგანდისტული მედია ჯანდაცვის სამინისტროზე დაყრდნობით წერს, დაშავებულთა შორის პოლიციელები და მშვიდობიანი მოქალაქეებიც არიან. 

"10 დაშავებული სამედიცინო დაწესებულებაშია მოთავსებული, მათგან 2-ის მდგომარეობა მძიმეა",- აცხადებენ უწყებაში.

TASS-ის ინფორმაციით, აეროპორტში მომხდარ ინციდენტში მონაწილე 150-ზე მეტი პირი იდენტიფიცირებულია, მათგან 60 დაკავებულია.

ცნობისთვის, გუშინ, 29 ოქტომბერს, მაჰაჩყალის აეროპორტში არეულობა მოხდა. არეულობა მას შემდეგ დაიწყო, რაც აეროპორტში თელ-ავივიდან სამგზავრო თვითმფრინავის დაშვების წინ, ანტისემიტურ აქციაზე რამდენიმე ასეული ადამიანი შეიკრიბა. პროპალესტინელები დამცავი ღობის გარღვევის შემდეგ, ისრაელელებზე თავდასხმის მოტივით, ასაფრენ ბილიკზე და აეროპორტის შენობაშიც შეიჭრნენ. აქციის მონაწილეებს თან ჰქონდათ პალესტინის დროშები. Telegram-ზე გავრცელებულ კადრებში ჩანს, რომ ისროდნენ ქვებს. 

ავტორი: ექსპრესნიუსი,

სოციალური ქსელები

სესმა ქუთაისში პესტიციდებისა და აგროქიმიკატების არალეგალური რეალიზაცია გამოავლინა|ობიექტს საქმიანობა შეუჩერეს

ზელენსკი: რუსეთმა თურქული გემი დაბომბა, რომელსაც აზერბაიჯანის მოქალაქეები გადაჰყავდა

ევროპარლამენტი საქართველოში ოპოზიციური პარტიების აკრძალვის შესახებ დებატებს გამართავს

ადვოკატი: დავითაძესთან სოლიდარობის ნიშნად დაახლოებით ექვსი პატიმარი შიმშილობს