2023-10-16 09:51:27, 662 ნახვა
მსოფლიო
CNN - ეგვიპტე ღაზას სექტორთან რაფაჰის სასაზღვრო-გამშვებ პუნქტს გახსნის
ეგვიპტე ღაზას სექტორთან რაფაჰის სასაზღვრო-გამშვებ პუნქტს გახსნის. აღნიშნულის შესახებ ინფორმაციას CNN ისრაელში აშშ-ის საელჩოზე დაყრდნობით ავრცელებს.
CNN-ის ცნობით, ამ დროისთვის უცნობია, რამდენი ხნით გაიხსნება სასაზღვრო-გამშვები პუნქტი.
"გაურკვეველია, თუ რამდენ ხანს ექნებათ ნებართვა მგზავრებს, გადასასვლელი გაიარონ. თუ გადასასვლელი გაიხსნება, ეს მხოლოდ შეზღუდული დროით მოხდება",- აცხადებენ საელჩოში.
აღსანიშნავია, რომ მანამდე, ეგვიპტე უარს ამბობდა, კორიდორი გაეხსნა პალესტინელი ლტოლვილებისთვის, რომლებიც ღაზას სექტორის დატოვებას ცდილობდნენ. ამასთან, ოფიციალური კაირო აშშ-სთან ღაზას სექტორის მცხოვრებლებისთვის ჰუმანიტარული დახმარების მისაწოდებლად დერეფნის გახსნას განიხილავდა.
ავტორი: ექსპრესნიუსი,
epn.ge (@expressnews.ge)
