ღაზას სექტორის ჩრდილოეთ ნაწილში ათიათასობით ადამიანი გარბის. შაბათს ნაშუადღევს გაჩნდა ინფორმაცია, რომ ეგვიპტემ აშშ-ის მოქალაქეობის მქონე პალესტინელებისთვის დერეფანი გახსნა.

ისრაელის არმიამ გაავრცელა კადრები, სადაც ჩანს, რომ მისი თვითმფრინავები ყრიან ბროშურებს, სადაც მოსახლეობას ღაზას ჩრდილოეთი ნაწილის დატოვებისკენ მოუწოდებენ.

შაბათს, IDF-მ ანკლავის მოსახლეობას მისცა კიდევ 6 საათი სამხრეთ რაიონებში გადასასვლელად. ჰამასმა ამას ადრე პროვოკაცია უწოდა და მოსახლეობას საკუთარ სახლებში დარჩენა მოსთხოვა.

გაერო, არაბული ქვეყნები და ევროკავშირი შეშფოთებით გამოეხმაურნენ ღაზას მილიონზე მეტი მოსახლეობის ევაკუაციის ბრძანებას.

ხოსეპ ბორელი, ევროკავშირის საგარეო პოლიტიკის ხელმძღვანელი: "ამ (ევაკუაციის) გაფრთხილებასთან დაკავშირებით, რომ მილიონმა ადამიანმა უნდა დატოვოს ჩრდილოეთი ღაზა 24 საათის განმავლობაში.

ისრაელი პირობას დებს, რომ მკაცრად უპასუხებს ჰამასის თავდასხმას. სახმელეთო ოპერაცია, სავარაუდოდ, მალე დაიწყება.

შაბათს ნაშუადღევს გაჩნდა ინფორმაცია, რომ ეგვიპტემ, კაიროსა და ვაშინგტონს შორის შეთანხმებით, გახსნა დერეფანი აშშ-ს მოქალაქეობის მქონე პალესტინელებისთვის.

ისრაელზე ჰამასის თავდასხმას სულ მცირე 1300 ადამიანი ემსხვერპლა. 120-ზე მეტი ისრაელი ჰამასის მძევლად არის აყვანილი, ხოლო 2200-ზე მეტი პალესტინელი გახდა ისრაელის საპასუხო დარტყმების მსხვერპლი. პალესტინა-ისრაელის კონფლიქტის გამწვავებას 16 რუსი ემსხვერპლა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.