2023-10-10 21:23:09, 822 ნახვა
მსოფლიო
ისრაელის თავდაცვის მინისტრი - გადავდივართ სრულ შეტევაზე, ღაზა აღარასდროს იქნება ის, რაც იყო
ისრაელის თავდაცვის მინისტრის, იოავ გალანტის განცხადებით, ისრაელი ღაზის სექტორზე სრულ შეტევაზე გადადის. ამის შესახებ იოავ გალანტმა ღაზის სექტორის საზღვარზე მყოფ სამხედროებს განუცხადა.
მისივე თქმით, ღაზა არასდროს იქნება ისეთი, როგორიც იყო.
„თქვენ გექნებათ შესაძლებლობა შეცვალოთ რეალობა. ჩვენ ვნახეთ ამის ფასი და თქვენ ნახავთ ცვლილებას. „ჰამასს“ სურდა ცვლილება ღაზაში, ის ნახავს 180 გრადუსიან ცვლილებას, განსხვავებულს იმისგან, რასაც ისინი ელოდებოდნენ. ისინი ინანებენ ამ მომენტს, ღაზა არასდროს იქნება ისეთი, როგორიც იყო“, - განაცხადა ისრაელის თავდაცვის მინისტრმა.
ავტორი: ექსპრესნიუსი,
epn.ge (@expressnews.ge)
