საქართველოს გენერალური პროკურორის მოადგილე ნათია მერებაშვილი მართლმსაჯულების სფეროში ევროკავშირის ტექნიკური დახმარების პროექტის წარმომადგენლებს შეხვდა. გენერალურ პროკურატურაში გამართულ შეხვედრას ევროკავშირის წარმომადგენლები და პროკურატურის სხვადასხვა დეპარტამენტების თანამშრომლები ესწრებოდნენ. აღნიშნულის შესახებ ინფორმაციას საქართველოს გენერალური პროკურატურა ავრცელებს.

უწყების ცნობით, გენერალური პროკურორის მოადგილემ ევროკავშირის პროექტის წარმომადგენლებს საქართველოს პროკურატურის მიერ ჩატარებული რეფორმების შესახებ მიაწოდა ინფორმაცია და ხაზი გაუსვა მართლმსაჯულების სფეროში სამომავლო პროექტების განხორციელების პროცესში ევროკავშირის მხარდაჭერის მნიშვნელობას.

"ნათია მერებაშვილმა პროექტის ფარგლებში თანამშრომლობის სრული მზადყოფნა გამოთქვა და აღნიშნა, რომ რეფორმების განხორციელება ევროპული სტანდარტების შესაბამისად პროკურატურის ერთ-ერთი მთავარი პრიორიტეტია.

ევროკავშირის მიერ საქართველოს პროკურატურის, შინაგან საქმეთა სამინისტროსა და იუსტიციის სამინისტროს მხარდასაჭერად დაგეგმილი ახალი, სამწლიანი ტექნიკური დახმარების პროექტის მიზანი მართლმსაჯულების სფეროში რეფორმების მხარდაჭერაა",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს