2023-10-09 10:58:55, 764 ნახვა
მსოფლიო
Reuters - ავღანეთში მიწისძვრის შედეგად 2 445 ადამიანი დაიღუპა, 2 000-ზე მეტი კი დაშავდა
ავღანეთში მიწისძვრის შედეგად დაღუპულთა რიცხვი 2 445-მდე გაიზარდა, ხოლო 2 000-ზე მეტი ადამიანი დაშავდა. აღნიშნულის შესახებ ინფორმაციას გამოცემა Reuters-ი ავრცელებს.
ავღანეთის კატასტროფების მართვის სამინისტროს პრესსპიკერის, ჯანან საიექსის განცხადებით, დაღუპულებს შორის ბევრი ქალი და ბავშვია.
მისივე თქმით, მიწისძვრის შედეგად, 1 320 სახლი დაზიანდა.
შეგახსენებთ, რომ აშშ-ის გეოლოგიური სამსახურის ინფორმაციით, 6.3 მაგნიტუდის სიმძლავრის მიწისძვრა ავღანეთში გუშინ, 8 ოქტომბერს მოხდა.
მიწისძვრა ქალაქ ჰერათის ჩრდილო-დასავლეთით, 35 კილომეტრში დაფიქსირდა.
ავტორი: ექსპრესნიუსი,
epn.ge (@expressnews.ge)
