გრიშაშვილის სკვერში ტრადიციად ქცეული ხაფუხობის დღესასწაული, ე.წ. გრიშაშვილობა გაიმართა. ამის შესახებ ინფორმაციას თბილისის მერია ავრცელებს.

მერიის ცნობით, ამ დღესთან დაკავშირებით, სკვერის მიმდებარედ, განსხვავებული კონცეფციის - იოსებ გრიშაშვილის სახელობის ღია ტიპის მუზეუმი გაიხსნა - აღნიშნული სივრცე პოეტისა და საზოგადო მოღვაწის ცხოვრებასა და მოღვაწეობას ასახავს. 

ღონისძიებას თბილისის მერი კახა კალაძე საკრებულოს თავმჯდომარე გიორგი ტყემალაძესთან ერთად დაესწრო.

კახა კალაძემ დამსწრეთ ხარფუხობის დღესასწაული მიულოცა და ხაზი გაუსვა თბილისური ყოფისა და ტრადიციების შენარჩუნების მნიშვნელობას. 

კრწანისის გამგებლის, ბექა მიქაუტაძის თქმით, სასიხარულოა, რომ ეს დღესასწაული მოსახლეობისთვის საყვარელ თარიღად იქცა. მისივე განმარტებით, წელს სადღესასწაულო განწყობა კიდევ უფრო მაღალია, რადგან იქაურობას ლამაზი სივრცე - გრიშაშვილის სახელობის ღია ტიპის მუზეუმი შეემატა. 

„მეხუთე წელია მიმდინარეობს ე.წ გრიშაშვილობა, იგივე ხარფუხის დღესასწაული, სადაც ერთი საათით ცოცხლდება გრიშაშვილისეული ძველი თბილისი. ამას გარდა, აქ მოეწყო იოსებ გრიშაშვილის ღია მუზეუმი. მადლობა ყველას, ვინც დღეს აქ მოვიდა“, - განაცხადა ბექა მიქაუტაძემ.

ღონისძიების ფარგლებში, სკვერში თეატრალიზებული წარმოდგენა გაიმართა. გაცოცხლდა ძველი ხარფუხი.  ღონისძიებაზე წარმოდგენილი იყო სხვადასხვა რეკვიზიტი და ძველქართული კოსტიუმი, რომლის მორგება და ფოტოების გადაღება ნებისმიერ მსურველს შეეძლო. 

გრიშაშვილის სკვერში გამართულ ღონისძიებას, ასევე, მერის მოადგილე კახა გულედანი და საკრებულოს დეპუტატები დაესწრნენ.

ავტორი: NS (სტატია დაფინანსებულია),

სოციალური ქსელები

ფრიდრიხ მერცი - ბატონო პუტინ, შეწყვიტეთ ეს უაზრო ომი!

გვარამია - ვინც მაშინ ან ოდესმე ბიძინას ხმა მისცა, ვერაფერს უკეთესს ვერ გააკეთებს, ვიდრე ბიძინას ამ ქვეყნიდან გაშვებაში აგურის დადებაა

კალაძე მსჯავრდებულ დავითაძეზე - არანაირ გადაცდომას ადგილი არ ჰქონია

პარიზში სიცხის გამო გადადებულმა ლგბტ მსვლელობამ ათასობით ადამიანი შეკრიბა