2023-10-05 17:37:14, 714 ნახვა
მსოფლიო
ვოლოდიმირ ზელენსკი გრანადაში ნიკოლ ფაშინიანს შეხვდა
უკრაინის პრეზიდენტი ვოლოდიმირ ზელენსკი გრანადაში, ევროპის პოლიტიკური გაერთიანების მესამე სამიტზე სომხეთის პრემიერ-მინისტრს, ნიკოლ ფაშინიანს შეხვდა. აღნიშნულის შესახებ ინფორმაციას ზელენსკი Telegram-ზე ავრცელებს.
უკრაინის პრეზიდენტის განცხადებით, სომხეთის პრემიერთან შეხვედრისას სამხრეთ კავკასიაში უსაფრთხოების მდგომარეობა განიხილეს.
"სომხეთის პრემიერ-მინისტრთან, ნიკოლ ფაშინიანთან პირველი შეხვედრის დროს განვიხილეთ უსაფრთხოების ვითარება სამხრეთ კავკასიაში. უკრაინა დაინტერესებულია რეგიონის სტაბილურობითა და ქვეყნებთან მეგობრული ურთიერთობებით. ასევე, განვიხილეთ ჩვენი ორმხრივი თანამშრომლობა და რეგიონთაშორისი ეკონომიკური პროექტები",- წერს ზელენსკი.
ავტორი: ექსპრესნიუსი,
epn.ge (@expressnews.ge)
