შოთა მიქატაძის ქუჩაზე საგზაო სამუშაოები დაიწყო

2023-10-05 11:33:17, 619 ნახვა

საზოგადოება

გლდანის რაიონის გამგეობა საგზაო ინფრასტრუქტურის მოწესრიგების ფარგლებში, შოთა მიქატაძის ქუჩის კეთილმოწყობას განახორციელებს. აღნიშნულის შესახებ ინფორმაციას გლდანის რაიონის გამგეობა ავრცელებს.

გამგეობის ცნობით, აღნიშნულ მისამართზე "ჯორჯიან უოთერ ენდ ფაუერმა" მიწისქვეშა კომუნიკაციები უკვე მოაწესრიგა, გამგეობამ კი გზის საფარის მოწესრიგება დაიწყო.

„სამუშაოების შედეგად 4 000 კვადრატულ მეტრამდე ფართობზე ასფალტის საფარი შეიცვლება.

აღნიშნული პროექტისთვის, გამგეობის ბიუჯეტიდან დაახლოებით, 425 000 ლარი დაიხარჯება.

სამუშაოების დაწყებას გლდანის რაიონის გამგებლის მოვალეობის შემსრულებელი ბესიკ კალაძე ადგილზე გაეცნო“,- აღნიშნულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),