2023-09-21 16:26:11, 1180 ნახვა
მსოფლიო
რუსეთის მთავრობამ ბენზინისა და დიზელის ექსპორტი დროებით შეზღუდა
რუსეთის მთავრობამ შიდა ბაზრის სტაბილიზაციისთვის ბენზინისა და დიზელის ექსპორტი დროებით შეზღუდა. ამის შესახებ ინფორმაციას რუსული სამთავრობო მედია "რია ნოვოსტი" მთავრობის პრესსამსახურზე დაყრდნობით ავრცელებს.
მედიის ცნობით, შესაბამის დადგენილებას ხელი რუსეთის პრემიერ-მინისტრმა, მიხაილ მიშუსტინმა უკვე მოაწერა.
მთავრობის განმარტებით, შესაბამისი გადაწყვეტილება მიღებულია შიდა ბაზარზე საწვავის ფასის სტაბილიზაციის მიზნით.
მედიის ინფორმაციით, ბოლო რამდენიმე თვის განმავლობაში საწვავის ფასი რუსეთში რეკორდულად მაღალი იყო.
ავტორი: ექსპრესნიუსი,
epn.ge (@expressnews.ge)
