2023-09-19 23:42:15, 1271 ნახვა

---

ევროპის საბჭოს გენმდივანი - აზერბაიჯანს საომარი მოქმედებების შეწყვეტისკენ მოვუწოდე, გრძელვადიან მშვიდობამდე მიყვანა მხოლოდ დიალოგს შეუძლია

ევროპის საბჭოს გენერალური მდივნის, მარია პეიჩინოვიჩ ბურიჩის განცხადებით, აზერბაიჯანის საგარეო საქმეთა მინისტრთან შეხვედრისას მან შეშფოთება გამოთქვა ყარაბაღის რეგიონის ირგვლივ სამხედრო ესკალაციის შესახებ.

ბურიჩის თქმით, საჭიროა იარაღის დაყრა და დიალოგის პროცესის დაწყება, ვინაიდან "მხოლოდ უპირობო დიალოგს შეუძლია გრძელვადიან მშვიდობამდე მიყვანა".

„მხოლოდ მნიშვნელოვან, უპირობო დიალოგს ყველა მხარის მონაწილეობით, შეუძლია გრძელვადიან მშვიდობამდე მიყვანა, რომელსაც ალტერნატივა არ აქვს. ევროპის საბჭო კვლავ მზადაა, მონაწილეობა მიიღოს და დაეხმაროს ამ პროცესს, რათა უზრუნველყოს ყველა ადამიანის ყველა უფლებებით სარგებლობა, მათ შორის ეროვნული უმცირესობების უფლებებით“, - განაცხადა ევროპის საბჭოს გენერალურმა მდივანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი