2023-09-12 17:15:28, 856 ნახვა
მსოფლიო
ლიბიაში წყალდიდობას მსხვერპლი მოჰყვა - 10 000 ადამიანი დაკარგულად მიიჩნევა [ვიდეო]
ლიბიაში ძლიერი შტორმისა და კაშხლების ნგრევით გამოწვეული წყალდიდობის შედეგად ასობით ადამიანი დაიღუპა, დაკარგულთა რაოდენობა კი, 10 000-ს აღწევს. აღნიშნულ ინფორმაციას Reuters-ი ავრცელებს.
გამოცემის ცნობით, დატბორილია რამდენიმე ქალაქი, განსაკუთრებით მძიმე მდგომარეობა კი, ქვეყნის აღმოსავლეთ ნაწილში მდებარე საპორტო ქალაქ დერნაშია, სადაც უკვე ნაპოვნია 1 000-ზე მეტი გარდაცვლილის ცხედარი.
ოფიციალური პირების განცხადებით, დიდი ალბათობით, გარდაცვლილთა რიცხვი კიდევ უფრო გაიზრდება.
"დერნაში, რომლის მოსახლეობაც 125 000-ს შეადგენს, შტორმის შედეგად ამობრუნებულია მანქანები, მოგლეჯილია ხეები, განადგურებულია საცხოვრებელი სახლები", - წერს Reuters.
ავტორი: ექსპრესნიუსი,
epn.ge (@expressnews.ge)
