2023-09-10 14:11:15, 1094 ნახვა
მსოფლიო
უკრაინის საგარეო უწყების წარმომადგენელი G20-ის დეკლარაციაზე - საამაყო არაფერია
უკრაინის საგარეო საქმეთა სამინისტრო "დიდი ოცეულის" (G20) სამიტზე მიღებულ ერთობლივ დეკლარაციას აკრიტიკებს.
უკრაინის დიპლომატიური უწყების წარმომადგენელმა, ოლეგ ნიკოლენკომ აღნიშნულთან დაკავშირებით სოციალურ ქსელში განცხადება და დეკლარაციის ტექსტის წითელად ჩასწორებული ვერსია გამოაქვეყნა და აღნიშნა, რომ G20-ს საამაყო არაფერი აქვს.
"დიდმა ოცეულმა" საბოლოო დეკლარაცია მიიღო. მადლობელი ვართ პარტნიორების, რომლებიც ცდილობდნენ ტექსტში მკაცრი ფორმულირებები შეეტანათ, თუმცა, უკრაინის წინააღმდეგ რუსეთის აგრესიის თვალსაზრისით, "დიდ ოცეულს" საამაყო არაფერი აქვს",- წერს ნიკოლენკო.
ცნობისთვის, G20-ის ლიდერებმა ერთობლივი დეკლარაცია გუშინ, 9 სექტემბერს შეათანხმეს.
ავტორი: ექსპრესნიუსი,
epn.ge (@expressnews.ge)
