სომეხი ერი საკმარისად გონიერია, რომ არ წამოეგოს ნატოს მცდელობებს, მოაქციოს ქვეყანა ალიანსის გავლენის ქვეშ, - ამის შესახებ რუსეთის საგარეო საქმეთა მინისტრის მოადგილემ, მიხეილ გალუზინმა რუსულ სამთავრობო მედია, TASS-თან საუბრისას განაცხადა. 

მისივე თქმით, ნატოსთან საკუთარი უსაფრთხოების უზრუნველყოფის თვალსაზრისით დაახლოებამ ნაკლებად სავარაუდოა, რომ ვინმესთვის დადებითი შედეგი მოიტანოს.

"ვხედავთ NATO-ს მცდელობებს, მოაქციოს საკუთარი მავნე გავლენის სფეროში არა მარტო უკრაინა, არამედ რუსეთის სხვა მეზობლები, ამ შემთხვევაში - სომხეთი. დარწმუნებული ვარ, სომეხ საზოგადოებას, სომეხ ერს აქვს სრულიად საკმარისი სიბრძნე, წინდახედულობა, თანამედროვე რეალობის ობიექტური გააზრება იმისათვის, რომ არ წამოეგოს NATO-ს მსგავს პროვოკაციულ, ანტირუსულ და ანტისომხურ მცდელობას, მოაქციოს სომხეთი საკუთარი გავლენის სფეროში. დარწმუნებული ვარ, რომ სომეხ ხალხს, სომეხ საზოგადოებას მშვენივრად ესმის ყველაფერი და გამოიტანს სწორ დასკვნებს, რომლებიც შეესაბამება სომხეთის გრძელვადიან უსაფრთხოების ინტერესებს", - განაცხადა გალუზინმა.

შეგახსენებთ, სომხეთის თავდაცვის სამინისტროს პრესსპიკერის თქმით, 11-დან 20 სექტემბრამდე სომხეთი და ამერიკის შეერთებული შტატები ერთობლივ სამხედრო წვრთნებს, EAGLE PARTNER 2023-ს ჩაატარებენ.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა