საქართველოს პროკურატურაში ერთწლიანი სტაჟირების დასრულების შემდეგ,  სტაჟიორები პროკურატურის სხვადასხვა ტერიტორიულ ორგანოში პროკურორის და პროკურატურის გამომძიებლის თანამდებობებზე დაინიშნენ. 

საქართველოს გენერალურმა პროკურორმა, ირაკლი შოთაძემ სტაჟიორებს მისასალმებელი სიტყვით მიმართა და პროკურორებად და გამომძიებლებად დანიშვნა მიულოცა.

ირაკლი შოთაძის განცხადებით, სტაჟიორების ეს ნაკადი სამაგალითო და განსაკუთრებულია.

„ჩვენ სამსახურს, შესაძლებლობა მოგვეცა ასეთი ღირსეული და წარმატებული კანდიდატები შეგვერჩია მომავალ პროკურორებად და გამომძიებლებად. მადლობას გიხდით ერთწლიანი შრომისთვის, რომელიც თქვენ გასწიეთ როგორც სტაჟიორებმა. ეს არის პირველი შემთხვევა, როდესაც სტაჟირების გავლის კომისიამ  ყველა სტაჟიორის  დანიშვნის რეკომენდაცია გასცა", - განაცხადა გენერალურმა პროკურორმა.

ღონისძიებას საქართველოს გენერალური პროკურორის მოადგილეები, პროკურატურის  წარმომადგენლები და სტაჟიორები ესწრებოდნენ.

აღსანიშნავია, რომ 2022-2023 წლებში საქართველოს პროკურატურაში სტაჟირება 35 პირმა გაიარა. სტაჟიორები ერთი წლის მანძილზე საპროკურორო და პროკურატურის გამომძიებლის უფლებამოსილებას ახორციელებდნენ, სისტემატურად უტარდებოდათ შესაბამისი ტრენინგები, გამოცდები და მათ საქმიანობას სტაჟირების ხელმძღვანელები და მენტორები უძღვებოდნენ. 

საქართველოს პროკურატურაში სტაჟირების მთავარ მიზანს ღია კონკურსის გზით საუკეთესო კადრების შერჩევა წარმოადგენს. პროკურატურის სისტემაში ახალი კადრების შერჩევის ძირითადი კრიტერიუმები კანდიდატის პროფესიული ცოდნა, უნარები და მაღალი მოტივაციაა.

ინფორმაციას გენერალური პროკურატურა ავრცელებს.

ავტორი: NS (სტატია დაფინანსებულია),

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო