თამბაქოს კონტროლის ალიანსი განცხადებას ავრცელებს, სადაც ხაზგასმით აღნიშნავს, რომ შესაბამისი კანონის მიხედვით, სასტუმროებში, როგორც დახურულ სივრცეში, თამბაქოს ყველა სახის პროდუქტის მოხმარება ერთნაირად იკრძალება და კანონით გათვალისწინებული სოლიდური ჯარიმები როგორც კლასიკური თამბაქოს ნაწარმის, ისე ელექტრონული სიგარეტის და გასახურებელი თამბაქოს მოხმარების შემთხვევაში.

"ცოტა ხნის წინ, ტურიზმის ეროვნულ ადმინისტრაციასთან ერთად, რესტორნებისა და სასტუმროების მცდარი ინფორმაციისგან დასაცავად, შიდა ინფორმაცია გავავრცელეთ. მოვუწოდებთ, არ ენდონ, თუ ვინმე შეეცდება დაარწმუნოს, რომ თამბაქოს კონტროლის კანონში შესული ცვლილების შედეგად, დახურულ სივრცეში ელექტრონული სიგარეტის და გასახურებელი თამბაქოს მოწევაზე აკრძალვა გაუქმდა. კანონში არანაირი ცვლილება არ შესულა და არც იგეგმება. მოქმედი რეგულაციების თანახმად, დახურულ სივრცეში თანაბრად შეზღუდულია როგორც კლასიკური თამბაქოს ნაწარმის, ისე ელექტრონული სიგარეტის და გასახურებელი თამბაქოს მოხმარება.

თამბაქოს კონტროლის კანონის აღსრულების მონიტორინგის (სახელმწიფო პროგრამის ფარგლებში ტარდება) დროს, მუდმივად სიურპრიზებს ვაწყდებით. ამჯერადაც, ივლისის თვეში, ტურისტულ ზონებში ახალი ტენდენცია გამოიკვეთა.

თამბაქოს კომპანიების სახელით მოძრავი ჯგუფი ცდილობს, სასტუმროების ადმინისტრაციები მოწევის რეგულაციების გაბედულად დარღვევაში დაარწმუნოს (რესტორნებშიც იგივე ხდება). სთავაზობენ (შესაძლოა, გარკვეული სარგებლის სანაცვლოდაც), სასტუმროებმა თვალი დახუჭონ დახურულ სივრცეში ელექტრონული სიგარეტის და გასახურებელი თამბაქოს მოხმარებაზე. ამის შემდეგ დემონსტრაციულად აბოლებენ ელექტრონულ სიგარეტს და გასახურებელ თამბაქოს და აღნიშნავენ, რომ დახურულ სივრცეში მათ გამოყენებას კანონი არ კრძალავს, რაც სიცრუეა და კანონდამრღვევს უზარმაზარი ჯარიმით დაზარალებისკენ უბიძგებს.

ამიტომ. შევახსნებთ ნებისმიერ სასტუმროს, რომ თამბაქოს კონტროლის კანონით, აკრძალულია დახურულ სივრცეში თამბაქოს ნებისმიერი ნაწარმის მოწევა. პირველ ჯერზე დარღვევა გამოიწვევს, კერძო პირის 100 ლარით დაჯარიმებას, კომპანია ( ამ შემთხვევაში სასტუმრო) თუ პირველად ჯარიმდება, 500 ლარის გადახდა დაეკისრება, განმეორების შემთხვევაში კერძო პირი 200 ლარს გადაიხდის, კომპანია კი 1000 ლარით დაჯარიმდება.

ვთხოვთ სასტუმროებს, ნუ წამოეგებით საეჭვო პირების და ჯგუფების ანკესზე. თამბაქოს კონტროლის კანონი იოლად ხელმისაწვდომია და თუ მაინც ვერ შეძლებთ რეგულაციების მოძიებას, დეტალებისთვის ცხელ ხაზზე  11 60 01 ან 112 დაუკავშირდით," - აღნიშნულია განცხადებაში.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო