პატრიარქის მოსაყდრე, მეუფე შიო მუჯირი, მისი შესაძლო მოწამვლის შესახებ გავრცელებული ინფორმაციის შემდეგ, საჯაროდ დღეს პირველად გამოჩნდა.

მეუფე შიომ სამების საკათედრო ტაძარში წირვა აღავლინა, რის შემდეგაც მედიასთან მცირე კომენტარიც გააკეთა.

"ღვთის შეწევნით, კარგად ვარ... ზუსტად რთულია თქმა, მაგრამ იმედია, რომ გაირკვევა ეს ყოფითი რაღაც მოწამვლაა თუ გარკვეული ზემოქმედება იყო",- უთხრა მეუფე შიომ ჟურნალისტებს.

შეგახსენებთ, 5 ივლისს ქართულმა მედიასაშუალებებმა გაავრცელეს ინფორმაცია, რომლის მიხედვითაც, საქართველოს საპატრიარქოს ტახტის მოსაყდრე, მეუფე შიო მუჯირი მოწამლეს.

6 ივლისს კი, საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ განაცხადა, რომ მეუფე შიოს სისხლში მძიმე მეტალების შემცველობა დაშვებულზე მეტი აღმოჩნდა და არ არის გამორიცხული, მისი ავადმყოფობა ვიღაცის ინტერესში იყოს.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.