გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი უნგრეთის რესპუბლიკის სახელმწიფო მდივანს გარემოსა და ცირკულარული ეკონომიკის  საკითხებში ანიკო რაისს  შეხვდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე მხარეებმა საქართველოსა და უნგრეთს შორის ორმხრივი თანამშრომლობის საკითხები განიხილეს.

"სახელმწიფო მდივანმა სურვილი გამოთქვა, საქართველომ და უნგრეთმა გარემოსდაცვითი განათლების მიმართულებით ერთობლივი აქტივობები განახორციელონ, მათ შორის, გაცვლითი პროგრამები და გამოცდილების გაზიარების ღონისძიებები. სახელმწიფო მდივნის განცხადებით, აღნიშნული ხელს შეუწყობს თანამშრომლობის გაღრმავებას და სამომავლო ერთობლივი პროექტების დაგეგმვას.

აღსანიშნავია, რომ გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა, უნგრეთში ვიზიტის ფარგლებში, გარემოსა და ჯანმრთელობის მინისტრთა რიგით მე-7 კონფერენციაში მიიღო მონაწილეობა, სადაც ევროკომისიის და სხვადასხვა ქვეყნის მაღალი დონის წარმომადგენლებს ამომწურავი ინფორმაცია მიაწოდა გარემოს დაცვის მიმართულებებით საქართველოს მთავრობის მიერ გადადგმული ნაბიჯების და მიღწეული შედეგების შესახებ. მინისტრის პირველმა მოადგილემ, ვიზიტის ფარგლებში, პირისპირ შეხვედრები გამართა გერმანიის ფედერაციული რესპუბლიკის გარემოს, ბუნების დაცვის, ბირთვული უსაფრთხოების და მომხმარებელთა დაცვის ფედერალურ მინისტრ შტეფი ლემკესთან და  გაეროს ევროპის ეკონომიკური კომისიის (UNECE) გარემოსდაცვითი განყოფილების დირექტორ მარკო კაინერთან",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.