მიმაჩნია, რომ აუცილებელია, ჩვენი ახალგაზრდების ჩართულობა, თავიდანვე, სკოლებიდან, ის კი არა, ბაღებშიც უნდა შევიტანოთ სწავლება,- ამის შესახებ საქართველოს პრემიერ-მიინისტრმა, ირაკლი ღარიბაშვილმა სამხედრო სწავლებასთან დაკაშირებით კოჯორში, თავდაცვის სამინისტროს ახალი პროექტის - „ჯარის ბანაკის" გახსნის ღონისძიებაზე განაცხადა.

როგორც მთავრობის მეთაურმა  გიორგი ანწუხელიძის სახელობის სერჟანტთა აკადემიაში სიტყვით გამოსვლისას აღნიშნა, ჯარი საზოგადოების განვითარების საქმეში "ძალიან დიდ" როლს ასრულებს.

"ჯარის მნიშვნელობა და ზოგადად, ჩვენი საამაყო ჯარის როლი ჩვენი საზოგადოების განვითარების საქმეში ძალიან დიდია. მიმაჩნია, რომ აუცილებელია, ჩვენი ახალგაზრდების ჩართულობა, თავიდანვე, სკოლებიდან, ის კი არა, ბაღებშიც უნდა შევიტანოთ სწავლება, მეტი ინფორმაცია უნდა შევიტანოთ, რომ გაიზარდოს ინფორმირებულობა და ცნობიერება ამაღლდეს ახალგაზრდებში - გაიგონ თავად, თუ როგორ იმართება ჯარი. თავად გექნებათ თქვენ ეს უნიკალური შანსი, რომ გაეცნოთ სამხედრო საქმიანობას, მიიღოთ მონაწილეობა, ამით ხელს შევუწყობთ ინტერესის გაზრდას ჯარის მიმართ. პირდად შეხვდებით ომების მონაწილე გმირ ჯარისკაცებს, ცოცხალ გმირებს შეხვდებით, რომლებიც მოგიყვებიან ჩვენი ჯარის საგმირო საქმეებს არა მხოლოდ ჩვენს წარსულში მომხდარს, არამედ ჩვენს აწმყოში",- მიმართა პრემიერ-მინისტრმა „ჯარის ბანაკის" მონაწილეებს.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.