აჭარის ჯანმრთელობისა და სოციალური დაცვის მინისტრმა, ნინო ნიჟარაძემ აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე, სამინისტროს 2024 წლის პრიორიტეტების შესახებ მოხსენება წარადგინა. 

გეგმის თანახმად, მომავალ წელს, აჭარის ჯანმრთელობისა და სოციალური დაცვის სამინისტროს ნაერთი ბიუჯეტი, არსებულ ბიუჯეტთან შეადრებით - 8 მილიონამდე ლარით გაიზრდება. 

“სამინისტროს ერთ-ერთ მთავარ პრიორიტეტს მოსახლეობისათვის სამედიცინო მომსახურებაზე ფინანსური ხელმისაწვდომობა და სოციალური მდგომარეობის გაუმჯობესება წარმოადგენს. ამისათვის აჭარის მთავრობის მხარდაჭერით ყოველწლიურად იზრდება უწყების ფინანსური დოკუმენტი, რაც საშუალებას გვაძლევს დავნერგოთ სიახლეები და პროგრამები გავხადოთ მოქალაქეების საჭიროებებზე კიდევ უფრო მორგებული”,- აღნიშნა ნინო ნიჟარაძემ.

უწყების მომავალი წლის ბიუჯეტი 40 მილიონ ლარს გადააჭარბებს, აქედან 18 მილიონ ლარზე მეტი ჯანდაცვას, ხოლო 15 მილიონზე მეტი სოციალური დაცვის მიმართულებით დაიხარჯება. კერძოდ, მოსახლეობის მომართვიანობისა და მოთხოვნების გათვალისწინებით, იგეგმება ონკოლოგიური დიაგნოზის მქონე პაციენტებისათვის თარგენტული, იმუნოთერაპიული და ბისფოსფონატების ჯგუფის მედიკამენტების, დაფინასების წლიური ლიმიტის 50 000 ლარამდე გაზრდა, ასევე 35 000 ლარამდე გაიზრდება იმ პაციენტების დაფინანსება, რომელთაც ამოეწურებათ საყოველთაო ჯანმრთელობის დაცვის სახელმწიფო პროგრამის, ინდივიდუალური და კორპორაციული დაზღვევის ლიმიტი. 

სიახლე შეეხება აგრეთვე გადაუდებელი ქირურგიის დაფინანსების წესს. სამინისტრო პაციენტებს, რომლებიც საყოველთაო ჯანმრთელობის დაცვის სახელმწიფო პროგრამის ფარგლებში მიიღებენ გადაუდებელ ქირურგიულ სამედიცინო მომსახურებას, DRG მეთოდით განსაზღვრული საბაზისო ღირებულების ფარგლებში, თანაგადახდა დაუფინანსდებათ სრულად. 

სოციალური დაცვის მიმართულებით დაგეგმილია პროგრამების ბიუჯეტის და შესაბამისად ბენეფიციართა რაოდენობის ზრდა. 

უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომას, კომიტეტის თავმჯდომარე - ილია ვერძაძე უძღვებოდა. სხდომაზე აჭარის  ფინანსთა და ეკონომიკის მინისტრმა რესპუბლიკური ბიუჯეტის 2024 -2027 წლების პრიორიტეტების ძირითადი პარამეტრები წარადგინა. სხდომას ესწრებოდა აჭარის ჯანმრთელობისა და სოციალური დაცვის მინისტრის პირველი მოადგილე, მარი ზანაქიძე.

ინფორმაციას აჭარის ჯანდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა