საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი ნიკა გვარამია შეიწყალა.

პრეზიდენტმა განცხადება რამდენიმე წუთის წინ საგანგებო ბრიფინგზე გააკეთა.

"მინდა, საზოგადოებას გავაცნო ჩემი გადაწყვეტილების შესახებ. დღეს მოვაწერე ხელი ნიკოლოზ გვარამიას შეწყალების აქტს. ეს გადაწყვეტილება მივიღე მას შემდეგ, რაც 19 ივნისს ამოიწურა ყველა სამართლებრივი საფეხური, როცა უზენაესმა სასამართლომ არ მიიღო განსახილველად საკასაციო სარჩელი. ამ გადაწყვეტილებაზე მე არ ვაპირებ, რომ რამე ახსნა-განმარტება გაგიზიაროთ, რამეთუ ეს არის ჩემი დისკრეციული უფლება, რომელსაც ვიყენებ დღეს. მინდა, მხოლოდ ის გაგახსენოთ, რაც ასევე ბრიუსელში, ევროპარლამენტში ვთქვი, რომ ასეთი გადაწყვეტილება პრეზიდენტის დისკრეციული უფლებაა და არ ექვემდებარება ვინმეს ზეწოლას, რჩევას, რეკომენდაციას თუ სხვა ტიპის მუქარას, რომ ამას თუ არ იზამთ, ის მოხდება, თუ იზამთ, ეს მოხდება. ეს არის გადაწყვეტილება პრეზიდენტის",- განაცხადა სალომე ზურაბიშვილმა. 

შეგახსენებთ, "მთავარი არხის" გენერალურ დირექტორს, ნიკა გვარამიას თბილისის საქალაქო სასამართლომ 3 წლითა და 6 თვით პატიმრობა 2022 წლის 16 მაისს შეუფარდა.

2 ნოემბერს თბილისის სააპელაციო სასამართლომ „მთავარი არხის“ გენერალური დირექტორი პატიმრობაში დატოვა.

19 ივნისს კი, უზენაესმა სასამართლომ ნიკა გვარამიას სარჩელი დაუშვებლად ცნო.

ავტორი: ექსპრესნიუსი,

სოციალური ქსელები

არსებული ინფორმაციით, თბილისში დაკარგული ბავშვები იპოვეს

დიმიტრი პესკოვი - უკრაინის შესახებ შეთანხმების არსებობს პოლიტიკური ნება

შეიძინე მაგთის “ყველაფერი ულიმიტო“ პაკეტები თიბისის ბარათებით და დაიბრუნე 30% ქეშბექი მომენტალურად

სვეტიცხოვლის საკათედრო ტაძარში წყალი ჩამოდის