ზუსტად იმ სარწმუნოებას არცხვენენ, რომელსაც თითქოს ემსახურებიან, - ასე გამოეხმაურა უკრაინის ფერისცვალების ტაძრის მოძღვარი რამინ თარაშვილი, მარნეულისა და ჰუჯაბის ეპისკოპოს გიორგის, რომელმაც 17 ივნისს "გირჩი-მეტი თავისუფლების" ლიდერზე, ზურა ჯაფარიძეზე თავდასხმა გაამართლა და თავდამსხმელს მხარი დაუჭირა.

როგორც რამინ თარაშვილი "მთავარ არხთან" საუბრისას აღნიშნავს, მარნეულისა და ჰუჯაბის ეპისკოპოსის განცხადებები ღიად წალადობის წახალისებაა.

"ეს არის ღიად და ცალსახად ძალადობის წახალისება. როგორ შეიძლება სასულიერო პირმა რაიმე სახის ძალადობა წაახალისო და თქვა, რომ აი დიახაც, პასუხგაუცემელი არ დარჩებოდა და პასუხგაუცემელი ვისგან არ დარჩებოდა კანონისგან, სამართლისგან თუ უბრალოდ კრიმინალური მენტალობის წარმომავლობის ადამიანებისგან. მსგავსი უტიფარი, უწიგნური და შეუსაბამო განცხადებებით ზუსტად იმ ტოტს ჭრიან, რომელზეც სხედან და ზუსტად იმ სარწმუნოებას არცხვენენ, ქრისტეს ჯვარცმას და ჩვენ სიწმინდეს, ჩვენი ქვეყნისას, რომელსაც თითქოს ემსახურებიან", - განაცხადა რამინ თარაშვილმა.

შეგახსენებთ, 17 ივნისს გორში "გირჩი-მეტი თავისუფლების" ლიდერს, ზურაბ ჯაფარიძეს თავს დაესხნენ და ფიზიკურად გაუსწორდნენ.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა