ირაკლი ღარიბაშვილის გამოსვლა იყო საუკეთესო, რაც მოგვისმენია ქართველი ლიდერებისგან,- ასე ეხმაურება სახელმწიფო უსასფრთხოების სამსახურის უფროსი გრიგოლ ლილუაშვილი საქართველოს პრემიერ-მინისტრის, ირაკლი ღარიბაშვილის ბრატისლავაში, გლობალური უსაფრთხოების ფორუმის (GLOBSEC) თემატურ დისკუსიაში მონაწილეობისას გაკეთებულ განცხადებებს.

როგორც ლილუაშვილმა "ტვ პირველთან" საუბრისას აღნიშნა, მთავრობის მეთაურის გამოსვლით "გავიგეთ ის, რომ პირველ რიგში, საკუთარ ქვეყანაზე უნდა ვიზრუნოთ".

"გავიგეთ ის, რომ ჯერ ჩვენს ქვეყანას უნდა მივხედოთ და მერე ვიზრუნოთ სხვა ქვეყნებზე... არ უწოდებიათ რუსეთის რუპორი [ღარიბაშვილისთვის]. პოლიტიკოსები ჩვენთანაც ბევრ რამეს ამბობენ, მაგრამ ნაწილი მისაღებია. საქართველოს მოსახლეობა რას ფიქრობს, ეს არის ჩვვენთვის ყველაზე მნიშვნელოვანი. ლაპარაკობს ღარიბაშვილი, ლაპარაკობს საქართველოს მოსახლეობა - მოსკოვი არა",- თქვა ლილუაშვილმა.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბრატისლავაში, გლობალური უსაფრთხოების ფორუმის (GLOBSEC) ფარგლებში, თემატურ დისკუსიაში მონაწილეობა გუშინ, 30 მაისს მიიღო. მთავრობის მეთაურმა დისკუციის დროს განაცხადა, რომ ომის დაწყების ერთ-ერთი მიზეზი იყო უკრაინის განზრახვა, გამხდარიყო NATO-ს წევრი.

აღსანიშნავია, რომ ღარიბაშვილის განცხადებებს არაერთი პარტნიორის მწვავე შეფასება მოჰყვა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას