ერთ რამეს ვაღიარებ, „ქართულ ოცნებაში“ რომ ნგრევის და რღვევის პროცესი დაწყებულია, ეს „ნაციონალური მოძრაობის“ ბრალია,- ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.

ბოტკოველი "ქართული ოცნების" თავმჯდომარის, ირაკლი კობახიძის განცხადებას გამოეხმაურა, რომლის მიხედვითაც, "სხვის პირად სივრცეში შეჭრა "ნაციონალების" ხელწერაა".

„სასაცილოდ გამოიყურება ეს ყველაფერი ახლა, რას გვაბრალებს ირაკლი კობახიძე ვერ მივხვდი, მას ვარჯიში ჩვენ დავაწყებინეთ და მერე გადავიღეთ თუ თვითონ დაიწყო ვარჯიში და მერე გადავიღეთ?!  სამარცხვინოა ასეთი განცხადებები. უკვე აღარც იმალება ის პროცესი, რომ „ქართულ ოცნებაში“ ნგრევის პროცესი დაწყებულია, რაც ქვეყნისთვის სასარგებლოა და კობახიძე ივარჯიშებს თუ არ ივარჯიშებს ეს ნამდვილად არ აინტერესებს ამ ქვეყნის მოსახლეობას.

ერთ რამეს ნამდვილად ვაღიარებ, „ქართულ ოცნებაში“ რომ ნგრევის და რღვევის პროცესი დაწყებულია, იშლება და ერთმანეთს ჭამენ, ეს კი ნამდვილად „ნაციონალური მოძრაობის“ ბრალია",- ამბობს  ბოტკოველი.

შეგახსენებთ, დღეს, 28 მაისს "ქართული ოცნების" თავმჯდომარე ირაკლი კობახიძე სპორტდარბაზიდან მისი ფოტოების გავრცელების ფაქტს გამოეხმაურა და აღნიშნა, რომ ფოტოები "დროას" ლიდერის, ელენე ხოშტარიას დედამ გადაიღო. აღნიშნულ საკითხზე საუბრისას, კობახიძემ თქვა, რომ "სხვის პირად ცხოვრებაში, სივრცეში შეჭრა არის "ნაციონალური მოძრაობის" ხელწერა".

ირაკლი კობახიძე 26 მაისს, საქართველოს დამოუკიდებლობის დღისადმი მიძღვნილ საზეიმო ღონისძიებებს თავისუფლების მოედანზე არ დაესწრო. მედიის ინფორმაციით, მმაართველი პარტიის ხელმძღვანელი ღონისძიების დროს სპორტდარბაზში იმყოფებოდა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას