მოვუწოდებთ საქართველოს მთავრობასა და „ქართულ ოცნებას“, შეწყვიტოს რუსეთთან "ფლირტი" მასთან ეკონომიკური და პოლიტიკური კავშირების პროაქტიური გაღრმავებით,- ამის შესახებ ნათქვამია EU-სა და NATO-ში ინტეგრაციის შესახებ რეზოლუციაში, რომელიც „სტრატეგია აღმაშენებელმა“ წარადგინა და რომელსაც მხარი "ევროპის ლიბერალთა და დემოკრატთა ალიანსმა" (ALDE) დაუჭირა.

რეზოლუცია ასევე მოუწოდებს მმართველ პოლიტიკურ გუნდს, შეწყვიტოს ევროკავშირსა და ნატო-ში ინტეგრაციის პროცესის საბოტაჟი ევროკომისიის მიერ დადგენილი 12 რეკომენდაციის არშესრულებით.

რეზოლუცია, რომელიც რამდენიმე ქართულმა ოპოზიციურმა პოლიტიკურმა პარტიამ მოამზადა, 

"ადასტურებს:

• მტკიცე მხარდაჭერას საქართველოს ევროკავშირსა და ნატოში გაწევრიანების გზაზე.
• მტკიცე მხარდაჭერას რომ საქართველოს მიენიჭოს ევროკავშირის კანდიდატის სტატუსი ევროკომისიის მიერ დადგენილ 12 რეკომენდაციის შესრულების შემდგომ.

ხაზგასმით აღნიშნავს:

• 2022 წლის 28 თებერვალს საბჭომ მიიღო გადაწყვეტილება (CFSP) 2022/335, რომელითაც შეიცვალა გადაწყვეტილება 2014/512/CFSP. შედეგად, დააწესდა შემზღუდავი ზომები, რომლებიც ევროკავშირის საჰაერო სივრცის რაიმე ფორმით გამოყენებას უკრძალავს რუსულ ავია გადამზიდებს, რუსეთში რეგისტრირებულ ნებისმიერ თვითმფრინავს, ნებისმიერ არარუსულ  თვითმფრინავს, რომელიც ეკუთვნის რუსეთის მოქალაქეს ან რუსეთის ფედერაციაში რეგისტრირებულ იურიდიულ პირს,ორგანოს ან დაწესებულებას ან სხვაგვარად კონტროლდება მათ მიერ.

მწუხარებას გამოთქვამს:

• საქართველოს მთავრობის გადაწყვეტილებაზე რუსეთის ფედერაციის მიმართულებით პირდაპირი ავიარეისების აღდგენის შესახებ.
• საქართველოს სამოქალაქო ავიაციის სააგენტოს მიერ რუსული ავიახაზებისთვის ნებართვის გაცემის შესახებ, რათა განახორციელონ ყოველდღიური ფრენებს რუსეთსა და საქართველოს შორის.
• ქართველი ჩინოვნიკების განცხადებებზე სადაც ისინი, დასავლეთსა და ევროპულ ინსტიტუტებს ადანაშაულებენ თითქოს მათ სურთ საქართველოს „ჩათრიონ“ ომში, რითაც ძირს უთხრიან ევროკავშირის იმიჯს საზოგადოების თვალში და ავრცელებენ დეზინფორმაციას, რომელიც მხოლოდ რუსეთის მთავრობას ეხმარება.
• საქართველოს სასაზღვრო პოლიციის გადაწვეტილებაზე, რომლის მიხედვითაც საქართველოში შესვლის უფლება მიეცათ რუსეთის საგარეო საქმეთა მინისტრის-სერგეი ლავროვის ოჯახის წევრებს, მიუხედავად იმისა, რომ ისინი დასავლური სანქციების ქვეშ არიან.
• საქართველოს მთავრობის გადაწყვეტილებაზე რუსეთთან თანამშრომლობის გაღრმავების შესახებ.

მოუწოდებს საქართველოს მთავრობას და მმართველ პარტიას „ქართულ ოცნებას“:

• მოვიდეს თანხვედრაში ევროკავშირისა და სხვა ქვეყნების მიერ დაწესებულ სანქციებთან რუსული ავიაციის მიმართ. ფხიზლად იყოს პოტენციურ მცდელობებთან მიმართებით, რათა არ მოხდეს სანქციებისთვის თავის არიდება.
• შეწყვიტოს ევროკავშირსა და ნატოში ინტეგრაციის პროცესის საბოტაჟი  ევროკომისიის მიერ დადგენილი 12 რეკომენდაციის არშესრულებით და ბიძინა ივანიშვილის ოლიგარქიული მმართველობის შენარჩუნებით.
• შეწყვიტოს რუსეთთან ფლირტი მასთან ეკონომიკური და პოლიტიკური კავშირების პროაქტიური გაღრმავებით.
• შეწყვიტოს ანტიდასავლური პროპაგანდა და დეზინფორმაციული კამპანია.
• შეწყვიტოს პოლიტიკური დევნა და გათავისუფლდნენ ლაზარე გრიგორიადისი, ნიკა გვარამია და მიხეილ სააკაშვილი",- ნათქვამია რეზოლუციაში, რომლის ქართულ თარგმანსაც "სტრატეგია აღამაშენებელი" ავრცელებს.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს