მე არც შარშან დავსწრებივარ ამ ღონისძიებას, არც წელს დავსწრებივარ. 26 მაისს არ შეიძლება ვარჯიში?! აღლუმზე მე არ მივდივარ სხვა მიზეზის გამო, რა შუაშია აქ ვარჯიში?! სპეკულაციაა თავისთავად ამაზე საუბარი,- ასე გამოეხმაურა "ქართული ოცნების" თავმჯდომარე ირაკლი კობახიძე 26 მაისს, საქართველოს დამოუკიდებლობის დღესთან დაკავშირებულ საზეიმო ღონისძიებაზე არ დასწრებას.

როგორც კობახიძემ ჟურნალისტებს უთხრა, აღლუმი არ არის პარტიული ღონისძიება და "წინა პლანზე კონსტიტუციური თანამდებობის პირები არიან".

"ეს არ არის პარტიული ღონისძიება, ეს არის ღონისძიება, სადაც წინა პლანზე არიან კონსტიტუციური თანამდებობის პირები, შესაბამისად, სპეკულაციაა იმაზე საუბარი, რომ თითქოს,  ცურვასთან და ვარჯისთან ჰქონდა რამე კავშირი ჩემს არ დასწრებას...

პირადად ელენე ხოშტარიას დედამ გადაიღო ეს ფოტოები. ეს ყველაფერი აჩვენებს მათ სახეს... ყველამ ვიცით, რომ „ნაციონალები“ არიან უსამშობლოები, ისინი არიან ბოლშევიკები და მტრობენ ქართულ სახელმწიფოს, ამას აკეთებდნენ 2004-დან 2012 წლამდე, მათ შორის, როდესაც ჩააბარეს ქვეყნის ტერიტორიების 20% რუსების ფედერაციას და ამას აგრძელებენ დღემდე. ისინი არიან უცხოელი აგენტები",- განაცხადა კობახიძემ.

შეგახსენებთ, "ქართული ოცნების" თავმჯდომარე ირაკლი კობახიძე 26 მაისს, საქართველოს დამოუკიდებლობის დღისადმი მიძღვნილ საზეიმო ღონისძიებებს თავისუფლების მოედანზე არ დაესწრო. მედიის ინფორმაციით, მმაართველი პარტიის ხელმძღვანელი ღონისძიების დროს სპორტდარბაზში იმყოფებოდა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას