პრეზიდენტი სიტყვით გამოსვლისას მომხდარ ინციდენტზე - არანაირი რეპლიკა არ მაინტერესებს

2023-05-26 17:03:42, 369 ნახვა

პოლიტიკა

ევროკავშირის დროშა ფრიალებს კიდევაც და უნდა იფრიალოს,- ამის შესახებ სქართველოს პრეზიდენტმა, სალომე ზურაბიშვილმა რუსთაველის გამზირზე ჟურნალისტებთან საუბრისას განაცხადა.

პრეზიდენტმა საქართველოს დამოუკიდებლობის დღისადმი მიძღვნილ საზეიმო ღონისძიებაზე მომხდარ ინციდენტთან დაკავშირებით დასმულ შეკითხვასაც უპასუხა.

კითხვაზე, ოფიციალურ ღონისძიებაზე სიტყვით გამოსვლისას, ვინ დაუძახა საქართველოს პრეზიდენტს მოღალატე, სალომე ზურაბიშვილმა განაცხადა:

"არ აქვს არანაირი მნიშვნელობა".

კითხვაზე, აინტერესებს თუ არა მსგავსი ტიპის რეპლიკები, პრეზიდენტმა თქვა:

"რატომ უნდა დავინტერესდე".

სალომე ზურაბიშვილი ამ წუთებში დამოუკიდებლობის დღესთან დაკავშირებით დედაქალაქის ცენტრალურ გამზირზე გამოსულ მოქალაქეებს ხვდება.

ავტორი: ექსპრესნიუსი,