05:20 - 14 Jul, 2024
ჩვენ შესახებ რეკლამა/ხელმოწერა
2023-05-25 16:21:30, 556 ნახვა

ეკონომიკა
ოთარ შამუგია უმსხვილესი სავაჭრო კომპანიის LuLu Group International წარმომადგენლებს შეხვდა

საქართველოს გარემოს დაცვისა და სოფლის მეურნეობის მინისტრი ოთარ შამუგია არაბთა გაერთიანებული საამიროების  ერთ-ერთი უმსხვილესი სავაჭრო კომპანიის „ლულუ გრუპ ინტერნეიშენალ“ (LuLu Group International) წარმომადგენლებს შეხვდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე მხარეებმა საქართველოში წარმოებული აგროსასურსათო პროდუქციის ექსპორტი და კომპანიის კუთვნილ სავაჭრო ქსელში განთავსების საკითხი განიხილეს.

როგორც მინისტრმა აღნიშნა, გარკვეული ქართული პროდუქტი LuLu Group-ის სავაჭრო ქსელის რამდენიმე ობიექტში უკვე იყიდება.

„საქართველოს მთავრობის მხარდაჭერით, შესაბამისი სახელმწიფო პროექტების განხორციელებით, ქვეყანაში ყოველწლიურად იზრდება ადგილობრივი წარმოება, შემნახველი და გადამმუშავებელი სიმძლავრეები, რაც ასევე ზრდის  ქართული ხარისხიანი და კონკურენტუნარიანი პროდუქციის საექსპორტო პოტენციალს. ჩვენ აქტიურად ვმუშაობთ  ბაზრების დივერსიფიკაციის და მსოფლიოს მასშტაბით, ქართული პროდუქტების პოპულარიზაციის მიმართულებით. ამ მიზნით, სახელმწიფოს ხელშეწყობით, ქართული პროდუქცია ყველა მნიშვნელოვან საერთაშორისო გამოფენაზეა წარმოდგენილი. უნდა აღინიშნოს, რომ LuLu Group -ის სავაჭრო ქსელში პროდუქციის განთავსება, კარგი შესაძლებლობაა როგორც ჩვენი მეწარმეებისთვის გაზარდონ ექსპორტი, ასევე,  ქართული ნაწარმის პოპულარიზაციისათვის. ჩვენ ყველაფერს გავაკეთებთ მეწარმეთა მხარდაჭერის და ქართული პროდუქციის ექსპორტის ზრდისთვის“, - განაცხადა ოთარ შამუგიამ.

შეხვედრაზე  LuLu Group International-ის დირექტორმა, სალიმ მუსალიამ აბუმ (Salim M.A) აღნიშნა, რომ ქართული სასოფლო-სამეურნეო პროდუქციის მიმართ ინტერესი სულ უფრო მზარდია, შესაბამისად, კომპანიას სურვილი აქვს გაზარდოს საქართველოდან იმპორტი.

„LuLu Group-ი ოპერირებს მსოფლიოს 23 ქვეყანაში (გალფის, ახლო აღმოსავლეთის, აზიის, ამერიკისა და ევროპის ქვეყნები), სადაც ფლობს საცალო ვაჭრობის ქსელს LuLu (248 ჰიპერმარკეტი და 24 სავაჭრო ცენტრი) და სადისტრიბუციო კომპანიებს. კომპანიის წლიური ბრუნვა 9 მილიარდი აშშ დოლარია.  ჩვენ სურვილი გვაქვს, სავაჭრო ქსელში ქართული ხილი, ბოსტნეული, მშრალი ხილი, თხილეული, ცხვრის ხორცი და სხვა პროდუქცია იყოს წარმოდგენილი“, - განაცხადა სალიმ მუსალიამ აბუმ და მზადყოფნა გამოთქვა, შეხვდეს მწარმოებლებს და მოლაპარაკება აწარმოოს  სამომავლო თანამშრომლობისთვის.

როგორც შეხვედრაზე აღინიშნა, საქართველოში ფიტო და ვეტერინარული სერტიფიკატების გაცემა საერთაშორისო სტანდარტით ხდება. ქვეყანაში ყველაფერი კეთდება, რომ წარმოებული პროდუქცია იყოს მაღალი ხარისხის და აკმაყოფილებდეს სტანდარტებს.

შეხვედრას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, სურსათის ეროვნული სააგენტოს უფროსი ზურაბ ჩეკურაშვილი, სოფლის განვითარების სააგენტოს დირექტორის მოადგილე გიორგი ჯიბლაძე და LuLu Group International-ის  პარტნიორი ქართული კომპანიის „აგროლეინი“ წარმომადგენლები ესწრებოდნენ.

LuLu Group International-ი არაბთა გაერთიანებულ საამიროებში  უმსხვილეს სავაჭრო კომპანიას წარმოადგენს. მისი საქმიანობის სფერო მოიცავს საცალო ვაჭრობის, ჰიპერმარკეტების და სავაჭრო ცენტრების მართვის, პროდუქციის წარმოება-გადამუშავების, საბითუმო დისტრიბუციის, სასტუმრეობისა და უძრავი ქონების განვითარების მიმართულებებს. LuLu Group International-ში დასაქმებულთა საერთო რაოდენობა 60 000-ს აღემატება.




ავტორი: NS (სტატია დაფინანსებულია),


სოციალური ქსელები
ხვიჩია - უზრა ზეიამ ის პრობლემები დაასახელა, რაც ჩვენ ისედაც ვიცით
კობახიძე - როგორც არ უნდა დაჯგუფდეს, თუ გადაჯგუფდეს ოპოზიცია, ჩვენს გამარჯვებას საფრთხე ვერ შეექმნება
დაგეგმილი ღონისძიების გამო, რესპუბლიკის მოედანზე მოძრაობა რამდენიმე საათით შეიზღუდება
ავჭალაში, ალექსანდრე მანაგაძის 4 ჩიხში, სკვერის რეაბილიტაცია დაიწყება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics