უკრაინას მეტი დრო სჭირდება კონტრშეტევის დასაწყებად, რადგან ოკუპირებული ტერიტორიების გასათავისუფლებლად უკრაინელ სამხედროებს სჭირდებათ ადრე დასავლელი პარტნიორების მიერ დაპირებული იარაღი. - ამის შესახებ BBC-ის ცნობით, უკრაინის პრეზიდენტმა ვლადიმირ ზელენსკიმ განაცხადა.

მან საბრძოლო ბრიგადებს, რომელთაგან ზოგიერთი ნატოს ქვეყნების მიერ გაწვრთნილი იყო, ბრძოლისთვის მომზადებული უწოდა, მაგრამ აღნიშნა, რომ უკრაინის შეიარაღებულ ძალებს ჯერ კიდევ სჭირდება "რაღაცები", მათ შორის ჯავშანტექნიკა, რომლებიც "პარტიულად ჩამოდიან".

"იმით, რაც უკვე გვაქვს, შეგვიძლია წინსვლა და ვფიქრობ, წარმატებას მივაღწევთ. მაგრამ ბევრ ადამიანს დავკარგავთ. მიმაჩნია, რომ ეს მიუღებელია. ამიტომ, ჩვენ უნდა დაველოდოთ. ჩვენ კიდევ ცოტა დრო გვჭირდება", -თქვა ზელენსკიმ.

ამავდროულად, პრეზიდენტმა გამოთქვა რწმენა, რომ უკრაინულ სამხედროებს შეეძლოთ წინსვლა და გააფრთხილა „გაყინული კონფლიქტის“ რისკების შესახებ, რომელზეც რუსეთი „იმედოვნებს“.

ზელენსკიმ უარყო აშშ-ს მხარდაჭერის დაკარგვის შიში, თუ პრეზიდენტი ჯო ბაიდენი, რომელმაც პირობა დადო, რომ მხარს დაუჭერს უკრაინას, ხელახლა არ აირჩევა 2024 წელს.

ზელენსკის თქმით, უკრაინა კვლავ სარგებლობს ორპარტიული მხარდაჭერით აშშ-ს კონგრესში.

"ვინ იცის, სად ვიქნებით, როცა აშშ-ის არჩევნები ჩატარდება. მე მჯერა, რომ მაშინ ჩვენ გავიმარჯვებთ", - ხაზგასმით აღნიშნა ზელენსკიმ.

შეგახსენებთ, როგორც ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა განაცხადა, უკრაინის არმიის კონტრშეტევის გეგმა, რომელსაც პრეზიდენტი ვოლოდიმირ ზელენსკი დაჰპირდა რუსეთის მიერ ოკუპირებული ტერიტორიების განთავისუფლებას, ჯერ არ დამტკიცდა.

მანამდე უკრაინის პრემიერ-მინისტრმა დენის შმიჰალმა განაცხადა, რომ უკრაინის თავდაცვის ძალები გულდასმით ემზადებიან მოახლოებული კონტრშეტევისთვის და დაიწყებენ მას, როცა დრო იქნება წარმატების დემონსტრირებისთვის.

ავტორი: ექსპრესნიუსი,

სოციალური ქსელები

ზელენსკი: ბელგიასთან წლის ბოლომდე სამი F-16-ის გადაცემის შესახებ შეთანხმება არსებობს

The Atlantic: ტრამპმა მხარი დაუჭირა რუსეთის წინააღმდეგ სანქციების შემსუბუქების იდეას პოლიტპატიმრების გათავისუფლების სანაცვლოდ

DataIQ-მ ნადარეიშვილი მონაცემთა ანალიტიკის, AI-ის მიმართულებით წლის ლიდერად დაასახელა

უკიდურესად მიუღებელია - ზვიადაძე ირანის ელჩის განცხადებაზე