სამართალი აუცილებლად აღსრულდება და მთელი ქვეყნის მშვიდობიანი დეოკუპაცია სწორედ სამართლებრივი მეთოდებით აუცილებლად წარმატებით განხორციელდება, - ასე გამოეხმაურა იუსტიციის მინისტრი, რატი ბრეგაძე 2008 წლის ომის საქმეზე სტრასბურგის სასამართლოს მიერ დღეს მიღებულ გადაწყვეტილებას.

მისივე თქმით, 2008 წელს რუსეთის ფედერაციამ არა მხოლოდ საქართველოს სახელმწიფოს წინააღმდეგ დაარღვია არაერთი საერთაშორისო ნორმა, არამედ კონკრეტული ადამიანების წინააღმდეგაც დაარღვია საერთაშორისო სამართლის ნორმები და, ასევე, მათი კონვენციური უფლებები, რის გამოც მას დაეკისრა პასუხისმგებლობა.

„ჩვენ იუსტიციის სამინისტროში დავამკვიდრეთ ასეთი ტრადიცია – შეხვედრის ყველა ოთახს ჰქვია ოკუპირებული ტერიტორიების სახელები. იმ ოთახს, საიდანაც ახლა თქვენ მე გერთვებით, ჰქვია „სოხუმი". სწორედ დღევანდელი გადაწყვეტილება  და მთელი ის გაწეული სამუშაო, რომელიც აქამდე შედგა, იქნება იმის საფუძველი, რომ არა მხოლოდ თბილისიდან – ოკუპირებული ტერიტორიების სახელებით დასახელებული ოთახებიდან, არამედ სწორედ სოხუმიდან და ცხინვალიდან ექნება როგორც ჩვენს მოსახლეობას, ისე  კანონიერი ხელისუფლების წარმომადგენლებს საზოგადოებასთან ურთიერთობის ბედნიერება.

„ჯარიმის გადახდა რუსეთის ფედერაციას, დაახლოებით, 130 მლნ ევროს ოდენობით  მოუწევს სხვადასხვა დარღვევის გამო; კერძოდ, ეს არის სიცოცხლის უფლების დარღვევა, წამება და არაადამიანური მოპყრობა;  ასევე, დაახლოებით, 23 000-მდე ჩვენი მოქალაქის საკუთარი საცხოვრებლიდან უკანონოდ გამოძევება, სადაც მათ დღემდე არ აქვთ დაბრუნების შესაძლებლობა... დღევანდელი გადაწყვეტილება ნიშნავს იმას, რომ 2008 წელს რუსეთის ფედერაციამ არა მხოლოდ საქართველოს სახელმწიფოს წინააღმდეგ დაარღვია არაერთი საერთაშორისო ნორმა, არამედ კონკრეტული ადამიანების წინააღმდეგაც დაარღვია საერთაშორისო სამართლის ნორმები და, ასევე, მათი კონვენციური უფლებები, რის გამოც მას დაეკისრა ეს პასუხისმგებლობა. ეს გადაწყვეტილება მიანიშნებს იმაზე, რომ აუცილებლად  სამართალი აღსრულდება და მშვიდობიანი დეოკუპაცია მთელი ქვეყნის სწორედ სამართლებრივი მეთოდებით აუცილებლად წარმატებით განხორციელდება", – განაცხადა რატი ბრეგაძემ.

ავტორი: NS (სტატია დაფინანსებულია),

სოციალური ქსელები

ნაციონალური მოძრაობა პარტიების აკრძალვის სარჩელზე- რუსულ საოკუპაციო რეჟიმს თავს არ დავუხრით

ცისტური ფიბროზის სამკურნალო ინოვაციური მედიკამენტი „ტრიკაფტა“ საქართველოშია

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა

რუსეთმა გუშინ ღამით უკრაინას 39 ბალისტიკური რაკეტა დაარტყა- 39 ადამიანი დაიჭრა, აქედან 2 ბავშვი