ჯანდაცვის სამინისტროს ინფორმაციით, ცისტური ფიბროზის სამკურნალო ინოვაციური მედიკამენტი „ტრიკაფტა“ საქართველოშია. შესაბამისი კრიტერიუმების მქონე პაციენტებისთვის პრეპარატის გაცემა უახლოეს დღეებში დაიწყება.

უწყების ცნობით, მედიკამენტი დაავადების გამომწვევ გენეტიკურ მექანიზმზე მოქმედებს, აუმჯობესებს ფილტვების ფუნქციას და ამცირებს დაავადების გამწვავებისა და ჰოსპიტალიზაციის რისკს.

პაციენტებმა მკურნალობის დაწყებამდე საჭირო სამედიცინო კვლევები უკვე დაიწყეს.

საქართველოში ცისტური ფიბროზის დიაგნოზით დაახლოებით 110 ადამიანია რეგისტრირებული. მათგან პრეპარატის გამოყენებისთვის შესაბამისი გენეტიკური მუტაციები დაახლოებით 60-ს აქვს.

„ტრიკაფტა“ განკუთვნილია ორი წლისა და უფროსი ასაკის იმ პაციენტებისთვის, რომელთა გენეტიკური მუტაციები მედიკამენტის გამოყენებისთვის დამტკიცებულ კრიტერიუმებს შეესაბამება.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.