მთავრობის ადმინისტრაციასთან აქონდროპლაზიის სინდრომის მქონე ბავშვების მშობლები აქციას მართავენ. ისინი მედიკამენტ "ვოზორიტიდის" ქვეყანაში შემოტანისა და დაფინანსების მოთხოვნით პრემიერ-მინისტრ ირაკლი ღარიბაშვილთან შეხვედრას ცდილობენ.

აქონდროპლაზიის სინდრომის მქონე ბავშვების მშობლების გარდა, ადგილზე შეკრებილი არიან  მოქალაქეები და პოლიტიკოსები.

"არ ემეტებათ ფული, არ ემეტებათ. ძვირი ღირს, დამერწმუნეთ, რომ 100 000 რომ ღირდეს, ძალიან მალე შემოიტანდნენ. ეშინიათ, რომ კიდევ სხვები გამოჩნდებიან. ფინანსებია პრობლემა. ჩემი შვილის ჯანმრთელობა ჩემთვის მილიარდი ღირს, შვილისთვის მინდა წამალი. წამალს ვითხოვთ, ხალხო, რომ უკეთესი მომავალი ჰქონდეთ. ყოველი დღე უკან გადადგმული ნაბიჯია ჩვენთვის. ვიხოცებით და არ უნდა შეგვხვდეს?" - განაცხადა აქციაზე მყოფმა ერთ-ერთმა მშობელმა "მთავარ არხთან" საუბრისას.

შეგახსენებთ, რომ აქონდროპლაზიის სინდრომის მქონე ბავშვების მშობლები რამდენიმე თვეა მედიკამენტ "ვოზორიტიდის" ქვეყანაში შემოტანასა და დაფინანსებას ითხოვენ. მათთან შეხვედრა გამართა ჯანდაცვის მინისტრმა, ზურაბ აზარაშვილმა.

აზარაშვილის განცხადებით, "თუ ევროკავშირის წევრი რამდენიმე ქვეყანა, აიღებს პასუხისმგებლობას და სახელმწიფო ბიუჯეტიდან დააფინანსებს აქონდროპლაზიის ახლად შექმნილ სამკურნალო მედიკამენტს, საქართველო იქნება მსოფლიოში ერთ-ერთი მოწინავე ქვეყანა, რომელიც ამ პასუხისმგებლობას გაიზიარებს და წამლის შესყიდვისთვის საჭირო პროცედურებს განახორციელებს".

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა