ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი ოფიციალური ვიზიტით ჩინეთს ეწვევა.

როგორც ევროკავშირის საგარეო პოლიტიკური უწყების ხელმძღვანელის პრესსპიკერი პიტერ სტანო აცხადებს, ბორელის ვიზიტი ჩინეთში 13-დან 15 აპრილამდე გაგრძელდება.

ცნობისთვის, მიმდინარე კვირაში ჩინეთში ოფიციალური ვიზიტით საფრანგეთის პრეზიდენტი ემანუელ მაკრონი და ევროკომისიის პრეზიდენტი ურსულა ფონ დერ ლაიენი იმყოფებოდნენ.

ლიდერებმა ჩინეთის პრეზიდენტ სი ძინპინს, უკრაინაში ომის დასასრულებლად, რუსეთზე საკუთარი გავლენის გამოყენებისკენ მოუწოდეს. 

ჩინეთში მყოფმა საფრანგეთის პრეზიდენტმა თქვა, რომ სახალხო რესპუბლიკას მშვიდობის დამყარებაში მთავარი როლი აქვს. მისივე განცხადებით, საფრანგეთი და ჩინეთი მოლაპარაკებების დროს შეთანხმდნენ, რომ უკრაინის ომში ბირთვული იარაღი არ იქნება გამოყენებული.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა