ფინეთის წევრობა არავის წინააღმდეგ არ არის მიმართული და არც ცვლის ფინეთის საგარეო და უსაფრთხოების პოლიტიკის საფუძვლებს, - ამის შესახებ ფინეთის პრეზიდენტმა, საული ნიინისტომ ნატო-ში ფინეთის გაწევრიანების ცერემონიალზე განაცხადა.

მისივე თქმით, ყველა ქვეყანა აძლიერებს საკუთარ უსაფრთხოებას, სწორედ ასე იქცევა ფინეთიც, თავისმხრივ ნატო-ს წევრობა კი, ფინეთის საერთაშორისო პოზიციებს და მანევრის სივრცეს აძლიერებს.

„ფინეთის სამხედრო მიუმხრომლობის დრო დასრულდა. ახალი დრო იწყება. ყველა ქვეყანა აძლიერებს საკუთარ უსაფრთხოებას, ასე იქცევა ფინეთიც. ნატო-ს წევრობა აძლიერებს ჩვენს საერთაშორისო პოზიციებს და მანევრის სივრცეს. როგორც პარტნიორი, დიდი ხნის განმავლობაში ვმონაწილეობდით ნატო-ს საქმიანობაში. როგორც მოკავშირე, ფინეთი წვლილს შეიტანს ნატო-ს კოლექტიურ შეკავებასა და თავდაცვაში. ფინეთის წევრობა არავის წინააღმდეგ არ არის მიმართული და არც ცვლის ფინეთის საგარეო და უსაფრთხოების პოლიტიკის საფუძვლებს. ფინეთი სტაბილური და პროგნოზირებადი ქვეყანაა, რომელიც ესწრაფვის დავების მშვიდობიან გადაწყვეტას“, - განაცხადა საული ნიინისტომ.

შეგახსენებთ, დღეს ფინეთი ოფიციალურად ნატოს 31-ე წევრი გახდა.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა