ფინეთის საპარლამენტო არჩევნებში პრემიერ-მინისტრ სანა მარინის „სოციალ-დემოკრატიული პარტია“ დამარცხდა. აღნიშნულ ინფორმაციას გამოცემა Deutsche welle ავრცელებს.

გამოცემის ცნობით, ხმების 95%-ის დათვლის შემდეგ, პირველ ადგილზე კონსერვატიული „ეროვნული კოალიციის პარტიაა“ 20.7%-ით, მეორე ადგილს იკავებს ულტრამემარჯვენე „ფინელების პარტია“ 20.1%-ით.

გამარჯვებული ოპოზიციური პარტიის ცნობით, "მთავრობის ფორმირებაზე მოლაპარაკებები კოალიციური პარტიის ხელმძღვანელობით დაიწყება".

„არჩევნების შედეგებიდან გამომდინარე, ფინეთის ახალი მთავრობის ფორმირებაზე მოლაპარაკებები დაიწყება ეროვნული კოალიციური პარტიის ხელმძღვანელობით“, - განაცხადა ოპოზიიური პარტიის ლიდერმა, პეტერი ორპომ.

სანა მარინმა ოპონენტს გამარჯვება მიულოცა და აღნიშნა, რომ "დემოკრატიამ თავისი სათქმელი თქვა". 

"გილოცავთ არჩევნებში გამარჯვებულს, გილოცავთ ეროვნულ კოალიციურ პარტიას, გილოცავთ ფინეთის პარტიას. დემოკრატიამ თავისი სათქმელი თქვა", - უთხრა მარინმა მხარდამჭერებს.

ცნობისთვის, სანა მარინი არჩევნებში მეორე ვადით იბრძოდა. 2019 წელს ის გახდა მსოფლიოში ყველაზე ახალგაზრდა პრემიერ-მინისტრი, მან თანამდებობა 34 წლის ასაკში დაიკავა.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა