გერმანიის ვიცე-კანცლერი რობერტ ჰაბეკი კიევში ჩავიდა. აღნიშნულ ინფორმაციას გერმანული გამოცემა „დოიჩე ველე“ ავრცელებს.

გამოცემის ცნობით, ვიზიტი წინასწარ დაანონსებული არ ყოფილა და ვიცე-კანცლერი კიევში გერმანული ბიზნესის წარმომადგენლების მცირე დელეგაციასთან ერთად ჩავიდა. 

გავრცელებული ინფორმაციით, მოლაპარაკებები უკრაინის ენერგეტიკული ინფრასტრუქტურის განახლებასთან დაკავშირებულ საკითხებზე იქნება ფოკუსირებული.

რობერტ ჰაბეკის განცხადებით, კიევში დაგეგმილი პოლიტიკური მოლაპარაკებების მიზანია, უკრაინას მისცენ იმის იმედი, რომ ქვეყანა ომის შემდგომ აღდგება.

ცნობისთვის, მანამდე კიევს ოფიციალური ვიზიტით იაპონიის პრემიერ-მინისტრი ფუმიო კიშიდა ეწვია.

როგორც კიშიდამ უკრაინის პრეზიდენტ, ვოლოდიმირ ზელენსკისთან ერთობლივი პრესკონფერენციის დროს განაცხადა, იაპონიის ხელისუფლება კიევს ენერგიისა და სხვა ჰუმანიტარული საჭიროებისთვის 470 მილიონ დოლარს გადასცემს, ხოლო 30 მილიონ დოლარს არალეტალური აღჭურვილობისთვის.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა