ამერიკის შეერთებული შტატები ირანულ ფირმებსა და პირებს, რომლებიც იდენტიფიცირებული არიან დრონების დასამზადებლად საჭირო აღჭურვილობის შესყიდვაში, ახალ სანქციებს უწესებს. აშშ-ის სახაზინო დეპარტამენტის საგარეო აქტივების კონტროლის ოფისმა (OFAC), გამოძიების ფედერალურ ბიუროსთან (FBI) კოორდინირებული მუშობის შემდეგ, უკვე დაასახელა 4 სუბიექტი და 3 ფიზიკური პირი ირანსა და თურქეთში, რომლებიც სანქცირებულთა სიაში მოხვდნენ.

შავ სიაში მოხვედრილთა შორისაა: ირანში დაფუძნებული თავდაცვის ტექნოლოგიებისა და მეცნიერების კვლევის ცენტრი (DTSRC), მისი შესყიდვების ფირმა Farazan Industrial Engineering და კიდევ ორი სხვა ფირმა კომპანიების შემსყიდველ აგენტებთან ერთად.

"ირანის მიერ დრონებისა და ჩვეულებრივი იარაღის კარგად დოკუმენტირებული გავრცელება მისი მარიონეტებისთვის გრძელდება. ეს ძირს უთხრის როგორც რეგიონულ უსაფრთხოებას, ასევე გლობალურ სტაბილურობას. აშშ გააგრძელებს უცხოური შესყიდვების ქსელების გამოვლენას ნებისმიერ იურისდიქციაში, რომელიც მხარს უჭერს ირანის სამხედრო ინდუსტრიულ კომპლექსს",- ამბობს ტერორიზმისა და ფინანსური დაზვერვის საკითხებში ხაზინის მდივნის მოადგილე ბრაიან ნელსონი.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, საზღვაო და ლოგისტიკის სექტორის წარმომადგენელი ქალებისთვის ლიდერობის პროგრამა გაიმართა

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი