დღეიდან ვიწყებთ ახალი ფურცლიდან და ვაღიარებთ საქართველოს მხოლოდ ერთ მტერს, რომელსაც აქვს სახელი - ეს არის რუსი ოლიგარქი ბიძინა ივანიშვილი და მისი "რუსული ოცნება", - ამის შესახებ "ერთიანი ნაციონალური მოძრაობის" ახლადარჩეულმა თავმჯდომარემ, ლევან ხაბეიშვილმა განაცხადა.

პარტიის რიგით მე-10 ყრილობაზე სიტყვით გამოსვლისას ხაბეიშვილმა აღნიშნა, რომ ენმ-ი 24-საათიან რეჟიმში "მუხლჩაუხრელ მუშაობას" იწყებს.

"დღეს ჩვენ გვაქვს პასუხისმგებლობა პრეზიდენტ სააკაშვილის სიცოცხლესა და ჯანმრთელობაზე. ვართ ისტორიის გზაგასაყარზე - ჩვენი ისტორიული ოჯახი ევროპაა თუ პუტინის ტერორისტი, მკვლელი, ბოროტი რუსეთი. სწორედ ამიტომ, დღეიდან ვიწყებთ ახალი ფურცლიდან და ვაღიარებთ საქართველოს მხოლოდ ერთ მტერს, რომელსაც აქვს სახელი - ეს არის რუსი ოლიგარქი ბიძინა ივანიშვილი და მისი "რუსული ოცნება"...

ჩვენ არ გვაქვს არც ერთი წამი დასაკარგი და 24-საათიან რეჟიმში ვიწყებთ აქტიურ, მუხლჩაუხრელ მუშაობას. დადგა დრო, რომ ჩვენ ყველამ ერთად გავიმარჯვოთ რუსულ ბოროტებაზე, გაჭირვებაზე, "რუსულ ოცნებასა" და ბიძინა ივანიშვილზე...

ჩვენი მთავარი პრიორიტეტები იდენტურია 2003 წელთან. ახლაც დასამარცხებელია გაჭირვება, უმუშევრობა, კრიმინალი, უიმედობა და უპერსპექტივობა. ახლა კიდევ უფრო ფესვგადგმულია კრემლის აგენტურა ხელისუფლებაში და მართვის სადავეები სრულად უპყრია რუსეთის, პუტინის პირად მსახურ ბიძინა ივანიშვილს. ჩვენს პრიორიტეტად კვლავ რჩება ნატო-ში და ევროკავშირში ინტეგრაცია, უკრაინასთან, ცივილიზებულ სამყაროსთან ერთად გამარჯვება ბოროტებაზე. "ნაციონალური მოძრაობა" იქნება ყველგან, სადაც ხალხის პრობლემებია, სადაც უსამართლოდ ადამიანების ჩაგვრაა", - განაცხადა ხაბეიშვილმა.

პარტიის ლიდერმა სიტყვით გამოსვლისას ყურადღება ასევე სამომავლო გეგმებზეც გაამახვილა. 

"უახლოეს პერიოდში დავიწყებთ რეგიონებში "ერთიანი ნაციონალური მოძრაობის" ოფისების გახსნას. ჩვენ შევქმენით პრეზიდენტ სააკაშვილის გათავისუფლების შტაბი, რომელსაც უხელძღვანელებს გიორგი ჩალაძე. უახლოეს პერიოდში, თბილისის "ერთიან ნაციონალურ მოძრაობას" ექნება ახალი ოფისი. დედაქალაქში ჩავატარებთ თბილისის კონფერენციას, ავირჩევთ პარტიის ხელმძღვანელებს, დავიწყებთ ახალგაზრდული ორგანიზაციის ფორმირებას, ჩავატარებთ ახალგაზრდულ ყრილობასა და ასევე, დამოუკიდებელი სივრცე ექნება ახალგაზრდებს. დავიწყებთ რეgიონული და რაიონული კონფერენციების მომზადებას", - დასძინა ლევან ხაბეიშვილმა.

ავტორი: ექსპრესნიუსი,

სოციალური ქსელები

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ

ხაბეიშვილი საკონსტიტუციო სასამართლოში ოპოზიციური პარტიების აკრძალვის პროცესზე დასწრებას მოითხოვს

ევროკავშირი უკრაინას Starlink-ის ალტერნატივას შესთავაზებს