2023-02-02 16:19:30, 443 ნახვა
პოლიტიკა
ზარქუა - ვწუხვარ, რომ ზელენსკის იმისთვის სცალია, რომ პატიმარ სააკაშვილის სურათებით იაროს
ძალიან ვწუხვარ, უკრაინის პრეზიდენტს სცალია იმისთვის, რომ ფოტოებით იაროს ბრიფინგებზე და პრესკონფერენცია ატაროს,- ასე გამოეხმაურა "ქართული ოცნების" დეპუტატი, ირაკლი ზარქუა ვოლოდიმირ ზელენსკის მიერ საქართველოს მესამე პრეზიდენტის ჯანმრთელობის მდგომარეობაზე გაკეთებულ კომენტარს. ზარქუამ უკრაინელ ხალხს "გამარჯვება და ღირსეული ხელისუფლება" უსურვა. "ძალიან ვწუხვარ, უკრაინის პრეზიდენტს სცალია იმისთვის, რომ ფოტოებით იაროს ბრიფინგებზე და პრესკონფერენცია ატაროს. ძალიან უცნაურია, ტერიტორიას კარგავს, უამრავი ადამიანი იღუპება. რუსეთი, რომელიც ოკუპანტია, მათ შორის ჩვენთვის, უტევს და ამ დროს ის იცლის, რომ პატიმარ სააკაშვილის სურათებით იაროს, რომელსაც სხვათა შორის მიუსაჯა ევროპულმა სასამართლომ, იქ სადაც ახლა ზის, ჩემთვის გაუგებარია. უკრაინელ ხალხს ვუსურვებ გამარჯვებას და ვუსურვებ ღირსეულ ხელისუფლებას," - ამბობს ირაკლი ზარქუა. შეგახსენებთ, რომ გუშინ საქართველოს მესამე პრეზიდენტი თბილისის საქალაქო სასამართლოში სასჯელის გადავადების ან გათავისუფლების შუამდგომლობის პროცესს დისტანციურ რეჟიმში დაესწრო. მიხეილ სააკაშვილმა საზოგადოებას უკრაინულ ენაზე მიმართა და ადეკვატური მკურნალობა მოითხოვა. მან ასევე, მდგომარეობის საჩვენებლად, პროცესზე მაისური აიწია. ამის შემდეგ, ჩართვა "ტექნიკური შეფერხების" მოტივით შეწყდა. ექსპრეზიდენტის მდგომარეობის აღმნიშვნელი ფოტოები უკრაინის პრეზიდენტმა კიევში გამართულ პრესკონფერენციაზე საერთაშორისო მედიას და დიპლომატებს უჩვენა. ვოლოდიმირ ზელენსკის თქმით, საქართველოს მთავრობა ქვეყნის ყოფილ პრეზიდენტს ნელ-ნელა კლავს: „ეს არის უკრაინის მოქალაქის საჯარო წამება. მე არ განვიხილავ კითხვას, რატომ დააკავეს საქართველოს ყოფილი პრეზიდენტი, რა შედეგები მოჰყვება ამას საქართველოს პოლიტიკასა და დემოკრატიაზე. ეს მათი შიდა კითხვაა. მე ვსაუბრობ უკრაინის მოქალაქის მიხეილ სააკაშვილის დაკავებაზე, რომელსაც ყოველდღიურად საჯაროდ აწამებენ. ვფიქრობ, მათი მიზანი მისი მოკვლაა“
ავტორი: ექსპრესნიუსი, აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|