პრორუსული პარტია „ალტ-ინფო“ და კონსერვატიული მოძრაობის წევრები LGBT+ ადამიანების მანიფესტაციების შეზღუდვას ითხოვენ. 2021 წლის 5 ივლისის ძალადობის ორგანიზატორებმა პარლამენტში კანონპროექტი უკვე წარადგინეს. 

დოკუმენტის ავტორებმა - ზურაბ მახარაძემ, ირაკლი მორგოშიამ, შოთა მარტინენკომ, კონსტანტინე მორგოშიამ და გიორგი ქარდავამ პარლამენტში კანონპროექტი 25 000 ამომრჩევლის მიერ ხელმოწერილი საკანონმდებლო ინიციატივის წარდგენის წესის გზით დაარეგისტრირეს.

განმარტებით ბარათში აღნიშნულია, რომ მოსახლეობის მასობრივმა პროტესტმა ნათლად აჩვენა, რომ ქართულ სივრცეში ამ ღონისძიებების ჩატარება ზღვრის გადაკვეთას წარმოადგენს და უნდა აიკრძალოს შეკრების ან მანიფესტაციის ჩატარება, "თუ იგი მიზნად ისახავს, ან რომლის დროსაც შესაძლოა ადგილი ჰქონდეს სექსუალური ორიენტაციის დემონსტრირებას, პოპულარიზაციას ან/და პროპაგანდას".

გარდა ამისა, 5 ივლისის ძალადობის ორგანიზატორები ითხოვენ, რომ ცვლილებები შევიდეს საქართველოს ადმინისტრაციულ სამართალდარღვევათა კოდექსშიც - კერძოდ, განისაზღვროს, რომ შეკრებისა და მანიფესტაციის შესახებ საქართველოს კანონის მე-9, მე-10¹, მე-11 და 11¹ მუხლებით გათვალისწინებული ნორმების დარღვევა გამოიწვევს 3 000 ლარით დაჯარიმებას ან 25 დღემდე ადმინისტრაციულ პატიმრობას, ხოლო თუ დამრღვევი ორგანიზატორია, 5 000-ლარიან ჯარიმას ან 30 დღემდე ადმინისტრაციულ პატიმრობას. 

განმარტებითი ბარათის თანახმად, კანონი უნდა ამოქმედდეს გამოქვეყნებიდან მე-15 დღეს.

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში