რუსეთის სახელმწიფო მეთაურის პრესმდივანმა, დიმიტრი პესკოვმა სიცრუე უწოდა ბრიტანეთის ყოფილი პრემიერ-მინისტრის განცხადებას, რომლის მიხედვითაც სატელეფონო საუბარში ვლადიმერ პუტინი თავდასხმით დაემუქრა. 

პესკოვის თქმით, BBC-ის მომზადებული "ყალბი მასალების ყურებაზე" დრო არც უნდა დაიკარგოს. 

"რაც ბატონმა ჯონსონმა თქვა, სიმართლეს არ შეესაბამება. უფრო სწორედ, სიცრუეა", - უპასუხა კრემლის წარმომადგენელმა და დასძინა, რომ ბრიტანეთის პრემიერ-მინისტრმა მაშინ "ფაქტობრივად ვერ გაიგო", რაზე ესაუბრებოდა პუტინი მას. 

„კიდევ ერთხელ ვიმეორებ ოფიციალურად: ეს სიცრუეა, რაკეტებით არანაირი საფრთხე არ ყოფილა. პუტინმა აღნიშნა, რომ უკრაინის ნატოში გაწევრიანების შემთხვევაში, ნატოს ან ამერიკული რაკეტების პოტენციური განლაგება ჩვენს საზღვრებთან, ნიშნავს, რომ ნებისმიერი რაკეტა მოსკოვს რამდენიმე წუთში მიაღწევს. თუ ეს პასაჟი ასე იქნა გაგებული, ძალიან უხერხული სიტუაციაა“, - განაცხადა მან.

ცნობისთვის, ბრიტანულმა გაზეთებმა The Daily Telegraph-მა და Daily Mail- მა გამოაქვეყნეს ბორის ჯონსონის სიტყვები დოკუმენტური ფილმიდან "პუტინი დასავლეთის წინააღმდეგ", სადაც ბრიტანეთის ყოფილი პრემიერი ამბობს, რომ რუსეთის პრეზიდენტი ვლადიმერ პუტინი სატელეფონო საუბრისას მას სარაკეტო დარტყმით დაემუქრა. 

BBC-ის დოკუმენტურ ფილმი სახელწოდებით „პუტინი დასავლეთის წინააღმდეგ“, სადაც აღნიშნული სატელეფონო საუბრის დეტალებია გადმოცემული, ეთერში დღეს გავა.

ავტორი: ექსპრესნიუსი,

სოციალური ქსელები

საქართველოს მთლიანმა საგარეო ვალმა, 2026 წლის 30 ივნისის მდგომარეობით 28.2 მლრდ აშშ დოლარი (74.5 მლრდ ლარი) შეადგინა

რუსეთის მოქალაქე, რომელმაც თბილისში აივნიდან გადმოაფსა, 15 დღით დააკავეს და შემდეგ საქართველოდან დაადეპორტებენ

საუდის არაბეთმა Flydubai-ს ბორტზე მომხდარ ინციდენტთან დაკავშირებით გამოძიება დაიწყო

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო