ნატო არ არის ომის მონაწილე, ჩვენ არ ვაგზავნით ჯარს ან თვითმფრინავს უკრაინაში,- ამის შესახებ ნატოს გენერალურმა მდივანმა, იენს სტოლტენბერგმა გერმანულ გამოცემა Welt- თან ინტერვიუში განაცხადა.

მისი თქმით, ალიანსი არ მიიღებს მონაწილეობას ომში, რომელიც რუსეთმა უკრაინელების წინააღმდეგ გააჩაღა.

„უკრაინაში შეჭრის პირველ დღეს ნატომ გადაწყვიტა უკრაინელების მხარდაჭერა. ამასთან, ჩვენ გამოვრიცხეთ ნატოს მონაწილეობა ომში. ალიანსი არ არის ომის მონაწილე და ასე იქნება. ჩვენ არ ვაგზავნით ჩვენს ჯარს უკრაინაში, არც თვითმფრინავებს.

ბოლოს და ბოლოს, არ უნდა დაგვავიწყდეს, რომ ეს არის დაპყრობითი ომი დამოუკიდებელი, სუვერენული, დემოკრატიული სახელმწიფოს წინააღმდეგ.

უკრაინას აქვს თავდაცვის უფლება გაეროს წესდების მიხედვით და ჩვენ გვაქვს უფლება დავეხმაროთ მათ ამ უფლების დაცვაში. რა თქმა უნდა, ესკალაციის რისკი ყოველთვის არის, ამიტომ ძალიან მნიშვნელოვანია ნატოს სამხედრო ყოფნის გაძლიერება ალიანსის აღმოსავლეთ ნაწილში“,- განაცხადა სტოლტენბერგმა.

მისივე თქმით, რუსეთის მიერ ბირთვული იარაღის გამოყენების რისკი მცირეა.

„ბირთვული იარაღის გამოყენების რისკი მცირეა, მაგრამ რუსული ბირთვული რიტორიკა სრულიად უპასუხისმგებლო და სახიფათოა. რუსეთმა უნდა იცოდეს, რომ ბირთვული ომის წარმოება და მოგება შეუძლებელია",- დასძინა სტოლტენბერგმა. 

ავტორი: ექსპრესნიუსი,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს