უკრაინამ ბიძინა ივანიშვილის ოჯახი დაასანქცირა

2022-10-20 15:37:28, 1920 ნახვა

პოლიტიკა

უკრაინამ საქართველოს ყოფილი პრემიერ-მინისტრის, ბიძინა ივანიშვილის ოჯახი დაასანქცირა. ამის შესახებ ვოლოდიმირ ზელენსკის მიერ გამოცემულ განკარგულებაშია ნათქვამი.

განკარგულება, რომელსაც ხელი უკრაინის პრეზიდენტმა მოაწერა, გულისხმობს რუსი ოლიგარქების, კომპანიებისა და საწარმოების წინააღმდეგ სანქციების დაწესებას.

გამოქვეყნებულ ბრძანებაში ნათქვამია, რომ სანქცირებულთა სიაში მოხვდნენ ბიძინა ივანიშვილის დეიდაშვილი, უჩა მამაცაშვილი და მისი შვილი, ტიტე მამაცაშვილი. გარდა ამისა, ალექსანდრე ივანიშვილი, მის ცოლთან ერთად.

„დღეს უკრაინის პრეზიდენტმა ხელი მოაწერა ორ საპრეზიდენტო განკარგულებას სანქციების შემოღების შესახებ. მას შემდეგ, რაც სანქციები გამოქვეყნდება, ვფიქრობ, იქ რუსი ოლიგარქების საკმაოდ მოულოდნელი გვარები იქნება", - განაცხადა დანილოვმა.

ეს გადაწყვეტილება სანქციებს უწესებს 2507 ფიზიკურ და 1374 იურიდიულ პირს, რომელთა უმეტესობა რუსეთის მოქალაქე და რუსეთის იურიდიული პირია.

No7262022 დადგენილების მიხედვით, სანქცირებულთა სიაში არიან პოლიტიკოსების, საზოგადო მოღვაწეები, სამხედრო პირები, რომელთა შორის არის პუტინის ქალიშვილი ეკატერინა ტიხონოვა. ამავე განკარგულებით დაწესებულია სანქციები რუსეთის იურიდიული პირების მიმართ.

მეორე No7272022 განკარგულების მიხედვით კი, სანქციები უწესდება ოლიგარქებს, რომელთა შორის რომან აბრამოვიჩია.

ავტორი: ექსპრესნიუსი,