რუსეთში, ქალაქ იეისკში სამხედრო თვითმფრინავის ჩამოვარდნას 13 ადამიანი ემსხვერპლა, 19 კი დაშავდა. აღნიშნულ ინფორმაციას რუსული სამთავრობო მედია ჯანდაცვის მინისტრის თანაშემწე, ალექსეი კუზნეცოვზე დაყრდნობით ავრცელებს.

კუზნეცოვის განცხადებით, გარდაცვლილთა შორის 3 მოზარდია. 4 დაშავებული კრასნოდარის რაიონულ საავადმყოფოში გადაიყვანეს. 3 პაციენტის მდგომარეობა მძიმეა, ერთი კი, უკიდურესად მძიმე. 

"დაზარალებულებს უტარდებათ ყველა საჭირო სამედიცინო და ფსიქოლოგიური დახმარება. დაზარალებულთა დახმარების გაწევა ჯანდაცვის მინისტრის, მიხეილ მურაშკოს პირადი კონტროლის ქვეშაა", - განაცხადა კუზნეცოვმა.

სამძებრო სამუშაოების დროს, მაშველებმა 68 ადამიანის გადარჩენა, 360-ზე მეტის კი ევაკუაცია მოახერხეს.

შეგახსენებთ, რუსული სუ-34 ბომბდამშენი 17 ოქტომბერს, დაახლოებით, 18:20 საათზე კრასნოდარის მხარეში, ქალაქ იეისკში ცხრასართულიანი საცხოვრებელი კორპუსის სიახლოვეს ჩამოვარდა. 

ავარიის შემდეგ, თვითმფრინავის საბრძოლო მასალა აფეთქდა, ხანძარი გავრცელდა მაღალსართულიან შენობაში, რომელშიც 556 ადამიანი ცხოვრობდა.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს