ვენესუელას ქალაქ ლას ტეხერიასში მეწყერს 36 ადამიანის სიცოცხლე ემსხვერპლა, 56 კი უგზო-უკვლოდ დაკარგულად ითვლება. აღნიშნულ ინფორმაციას BBC ავრცელებს.

ადგილობრივი მედიის ცნობით, დაღუპულთა შორის ორი მცირეწლოვანია.

მიმდინარეობს სამძებრო-სამაშველო ღონისძიებები, რომელშიც 1 000-მდე მაშველი მონაწილეობს.

პრეზიდენტმა, ნიკოლას მადურომ ტრაგიკული შემთხვევის გამო სამდღიანი გლოვა გამოაცხადა.

„ჩვენ ვცდილობთ გადავარჩინოთ ის, ვისი გადარჩენაც შეგვიძლია და ვუსამძიმრებთ ყველას, ვინც საყვარელი ადამიანი დაკარგა“, - თქვა ვიცე-პრეზიდენტმა, დელსი როდრიგესმა.

კოკისპირული წვიმის გამო, მდინარე ელ პატო დედაქალაქ კარაკასიდან, სამხრეთ-დასავლეთით 50 კილომეტრში ნაპირებიდან გადმოვიდა, რის შედეგადაც, ნიაღვარმა ხეები, მანქანები და საცხოვრებელი სახლები წაიღო.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს