დიდმა ბრიტანეთმა ირანის უსაფრთხოების მაღალჩინოსნებსა და ქვეყნის ე.წ. მორალის პოლიციას სანქციები დაუწესა. 

ბრიტანეთში აცხადებენ, რომ სანქციები დაუწესდა მთლიანად მორალურ პოლიციას, ისევე როგორც მის უფროსს, მუჰამედ როსტამი ჩეშმეჰ გაჩის და თეირანის განყოფილების უფროსს, ჰაჯ აჰმედ მირზაის.

„ეს სანქციები მკაფიო მესიჯს უგზავნის ირანის ხელისუფლებას - ჩვენ აგიხსნით პასუხისმგებლობას ქალებისა და გოგონების რეპრესიებისთვის და იმ შოკისმომგვრელი ძალადობისთვის, რომელიც თქვენ საკუთარ ხალხს მიაყენეთ“, - თქვა საგარეო საქმეთა მინისტრმა ჯეიმს კლერლიმ განცხადებაში.

ცნობისთვის, საქმე ეხება 22 წლის მაჰსა ამინს, რომელიც ირანში ჰიჯაბის ტარების კანონების დარღვევისთვის დააპატიმრეს, რის შემდეგაც იგი კომაში ჩავარდა და გარდაიცვალა. აღნიშნულმა ფაქტმა,  გამოიწვია დემონსტრაციები მრავალ რაიონში, მათ შორის დედაქალაქში.

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. მაგრამ ამინის მამამ არაერთხელ თქვა, რომ მის ქალიშვილს ჯანმრთელობის პრობლემები არ ჰქონდა და დასძინა, რომ მას ფეხის სისხლჩაქცევები ჰქონდა. 

თეთრი სახლის სპიკერის თქმით, „მაჰსა ამინისთვის სასიკვდილო ჭრილობები მიყენებული იქნა იმის გამო, რომ ის ატარებდა "არაშესაფერისს" ჰიჯაბს, რაც არის ადამიანის უფლებების შემზარავი და საშინელი შეურაცხყოფა“.

საპროტესტო გამოსვლები ყველაზე ინტენსიური იყო ქურთისტანის რეგიონში, სადაც ხელისუფლებამ ჩაახშო 8-დან 10 მილიონამდე ქურთი უმცირესობის საპროტესტო აქციები. ჰენგავმა განაცხადა, რომ ორშაბათს 75 ადამიანი დაშავდა.

ავტორი: ექსპრესნიუსი,

სოციალური ქსელები

ევროპარლამენტმა მიიღო რეზოლუცია „ქართული ოცნების“ მიერ ოპოზიციის აკრძალვის მცდელობის შესახებ

ლიბერთი, ბაზისბანკ ჯგუფის წევრი, ქირურგიის ეროვნული ცენტრის სტრატეგიული პარტნიორია

კრამატორსკზე, ორ ავტობუსზე თავდასხმის შედეგად ოცდაათი ადამიანი დაიღუპა და 18 დაშავდა

ლევან სანიკიძე - დღეს საქართველოში პოლიტიკა მკვდარია - ამ დროს ისევ გრძელდება მარჩიელობა, კობახიძეს მოხსნიან თუ არა