ტექნიკური დახმარების პროექტის ფარგლებში, მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარე გიორგი მიშელაძე იაპონიის საერთაშორისო თანამშრომლობის სააგენტოს (JICA)  პროექტების ფორმულირების მრჩეველ იშიი ჰოძუმის და კომპანია Asia Air Survey-ს ტექნიკური ჯგუფის წარმომადგენლებს, ტორუ ინადას და მიცუნობუ ონიშის შეხვდა.

გიორგი მიშელაძემ მიმდინარე პროექტებზე, მიწის ბალანსის შედგენის საკითხზე, სასოფლო-სამეურნეო მიწების ერთიანი ელექტრონული სისტემის შექმნასა და მიწათსარგებლობის მონიტორინგზე ისაუბრა.

სააგენტოს თავმჯდომარემ ყურადღება სატელიტური მონიტორინგის სისტემის ჩამოყალიბების მნიშვნელობაზე გაამახვილა, რასაც შესაბამისი სისტემური პროგრამული უზრუნველყოფა და კვალიფიციური კადრები სჭირდება. 

სააგენტოს ტექნიკური და პროგრამული უზრუნველყოფის დღეს არსებული შესაძლებლობების იდენტიფიცირებისთვის მხარეებმა მიწის სააგენტოს წინაშე მდგარი ის ამოცანები განიხილეს, რომელიც უწყებას მოკლე და გრძელვადიან პერიოდში აქვს განსახორციელებელი. შეხვედრაზე მხარეებმა სააგენტოს შესაძლებლობების განვითარებასა და ამ საკითხში იაპონიის საერთაშორისო თანამშრომლობის სააგენტოსა და Asia Air Survey-ს ერთობლივ როლზე იმსჯელეს.

შეხვედრას მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარის მოადგილე გიორგი მარჩილიძე, სტრატეგიული განვითარების დეპარტამენტის უფროსი გიორგი ზაქაიძე და მიწის კადასტრის დეპარტამენტის უფროსი ზაქარია დარჩიაშვილი ესწრებოდნენ.
 

ავტორი: NS (სტატია დაფინანსებულია),

სოციალური ქსელები

ევროკავშირი 2026 წლის განმავლობაში 38 მილიონ ევროს დახარჯავს, დახმარება მიმართული იქნება საქართველოს მოქალაქეების, ოჯახებისა და თემების მხარდაჭერაზე

ეროვნული ბანკი - ნანა ყეინიშვილი მოქმედებდა მარტო, რასაც ადასტურებს კომპანიის წარმომადგენლის მიერ გაკეთებული აუდიო ჩანაწერიც

სებ- „ბიტექსჩეინჯი“ ფულის გათეთრებისა და ტერორიზმის დაფინანსების აღკვეთის წესის დარღვევისთვის დაჯარიმდა

ესტონეთის პრემიერ-მინისტრი: უკრაინას რუსული ნავთობგადამამუშავებელი ქარხნების ნანგრევებად გადაქცევისთვის მხარდაჭერა სჭირდება